| e-texts navigator |
| Wylie |
342b1 དུ་ཡུལ་དུ་འགྱུར། ། བྱང་ཆུབ་སེམས་དཔའ་ཉེར་བསྙེན་པའི།། མཚན་ཉིད་རྣམས་ཀྱང་རབ་ཏུ་བསྟན།། དེ་ལྟར་བློ་གྲོས་བརྟན་བྱས་ནས།། དགེ་བ་དག་ནི་སྤེལ་བར་བྱ།། དགེ་བ་དག་ཀྱང་སྤེས
342b2 ནས་སུ། ། སེམས་ཅན་རྣམས་ལ་ཡོངས་སུ་བསྔོ།། སྔགས་པ་བདེར་གཤེགས་སེམས་ལྡན་གང་།། དེ་ལྟ་བུར་ནི་རྟག་པ་རུ།། སེམས་ཅན་ཀུན་ལ་ཕན་བྱས་ནས།། ཞི་བ་དག་དང་རྒྱས
342b3 པ་འཕེལ། ། ཐོག་མར་དཀོན་མཆོག་གསུམ་པོ་ལ།། མཆོད་པ་སྣ་ཚོགས་བྱས་ནས་སུ།། དེ་ཡི་འོག་ཏུ་ཁྲོ་བོ་མཆོག། གཤིན་རྗེ་གཤེད་ལ་མེ་ཏོག་ནི།། དཀར་པོ་མཆོག་གིས་མཆོད་པ
342b4 རྒྱུ། ། མཆོད་པ་བྱས་ནས་འདི་དག་ཏུ།། ཆོ་ག་བཞིན་དུ་བཟླས་པ་བྱ།། བདེ་ཞིང་སྟན་ལ་བདེར་འདུག་ལ།། རབ་ཏུ་དང་ཞིང་བདེ་གཤེགས་སེམས།། དེ་ཡི་མིང་སྨོས་ཞི་འགྱུར་ཞེས།། ཁྲོ་བོའི
342b5 ཚིག་གིས་མཐར་སྦྱར་ཏེ། ། གོ་ཥ་ཊ་དག་ཀྱང་ཐ་མར་སྦྱར།། གང་ཡང་རུང་བ་ཞིག་ལ་ནི།། དེ་ལྟར་སྟོང་དུ་བཟླས་པ་བྱ།། ཡུལ་དང་ཡུལ་གྱི་ཕྱོགས་རྣམས་དང་།། རྒྱལ་པོ་དག་ལ་ཉིས་འགྱུར་བྱ།།
342b6 རྟ་རྣམས་དང་ནི་གླང་པོ་དང་།། བ་ལང་དག་ལ་སྟོང་དུ་བཟླས།། ར་ལུག་དང་ནི་མ་ཧེ་ལ།། རྟག་པར་སྟོང་དུ་བཟླས་པར་གསུངས།། ཡང་ན་ལུས་ཅན་ཐམས་ཅད་ལ།། བཟླས་པ་དག་ནི་བྱས་ནས
342b7 ཀྱང་། ། བྱང་ཆུབ་སེམས་དང་ལྡན་པ་ཡིས།། ཞི་བའི་མཆོག་ཏུ་ངེས་པར་འགྱུར།། དེ་བཞིན་དུ་ཡང་རྒྱས་འགྱུར་བ།། ཁྱད་པར་དུ་ནི་མེ་ཏོག་མཆོག། དཀར་པོ་ཅན་དན་གྱིས་བསྐུས་པ།
iiif viewer powered by OpenSeadragon
