| e-texts navigator |
| Wylie |
342a1 བའི་ནད་ཀྱིས་འདེབས། ། དེ་ནས་ཞི་བའི་ཆོ་ག་ཡིས།། བདག་ཉིད་ཀྱིས་ནི་ཞི་བར་བྱ།། དེ་ལྟར་མ་བྱས་ཞག་བདུན་གྱིས།། གདོན་མི་ཟ་བར་འཆི་བར་འགྱུར།། དེ་ལ་སོགས
342a2 པའི་ལས་རྣམས་ནི། ། བདེ་གཤེགས་སེམས་དཔས་ཡོང་མི་བྱ།། སེམས་ཅན་རྣམས་ནི་ཐམས་ཅད་ལ།། ཞི་བ་དང་ནི་རྒྱས་པ་བྱ།། བྱང་ཆུབ་སེམས་ཀྱི་བདག་ཉིད་ཅན།། རིང་པོར་མི་ཐོགས
342a3 འགྲུབ་པར་འགྱུར། ། དེ་ནས་སེམས་ཅན་ཐམས་ཅད་ནི།། བདེ་ཕྱིར་ཞི་བའི་ལས་རྣམས་དང་།། དེ་བཞིན་དུ་ནི་རྒྱས་པའི་ལས།། ཇི་སྐད་གསུངས་པ་བཤད་པར་བྱ།། མཆོད་རྟེན་དག་གམ
342a4 དཀྱིལ་འཁོར་དུ། ། དེ་བཞིན་གཤེགས་པའི་མཆོད་པ་བྱ།། དཀོན་མཆོག་གསུམ་པོ་དག་ལ་ནི།། ཡང་དང་ཡང་དུ་ཕྱག་ཀྱང་བྱ།། ཉིན་པར་དང་ནི་མཚན་མོ་ཡང་།། དགེ་བ་གང་དག་ཅི་བསགས
342a5 པ། ། དཀོན་མཆོག་གསུམ་ལ་དེ་བརྟེན་ནས།། བདེ་བར་གཤེགས་པའི་བསམ་པས་བྱ།། འདི་ཡིས་སེམས་ཅན་ཐམས་ཅད་ནི།། ཤིན་ཏུ་སྡུག་བསྔལ་བདེར་གྱུར་ཅིག། དེ་ཡིས་དངོས་གྲུབ་ཅུང
342a6 ཟད་གང་། ། ཕྲ་མོ་དག་ཀྱང་འཐོབ་འགྱུར་བ།། རྟག་ཏུ་སེམས་ཅན་རྣམས་ལ་ནི།། མཁས་པ་དག་གིས་ཕན་པར་བྱ།། མཁས་པས་མཆོད་རྟེན་ལས་བྱ་ཞིང་།། དེ་བཞིན་རྣམ་པའི་ཆོས་ཀྱང་བཀླགས
342a7 དགེ་བ་ཅུང་ཟད་གཞན་དག་ཀྱང་། ། ཆུང་ངུ་ཟིན་ཀྱང་འདི་ཉིད་ལ།། དངོས་གྲུབ་མཆོག་ནི་ཐོབ་འདོད་པས།། རྟག་ཏུ་སེམས་ཅན་རྣམས་ལ་བསྔོ།། དེ་ལྟར་འདི་ནི་བྱང་ཆུབ་སེམས།། ཆོས་ཀྱི་དོན
iiif viewer powered by OpenSeadragon
