| e-texts navigator |
| Wylie |
340b1 བྲིས་ཏེ། ། དེ་ཡི་སྙིང་ཁར་འདུག་ནས་སུ།། རྩེ་གཅིག་ཡིད་ཀྱིས་ཁྲི་བརྫས་ཏེ།། ཆེ་གེ་མོ་ཞིག་དབང་གྱུར་ནས།། དེ་ཡི་མིང་ནི་སྔ་མ་བཞིན།། ཁྲོ་སྔགས་ཇི་སྐད་གསུངས་པའི་མཐར།། སྦྱར
340b2 ཏེ་མཇུག་ཏུ་སྭཱ་ཕྲ་བརྗོད། ། ཁྲོ་བོས་དབང་དུ་བྱ་བའི་ཕྱིར།། སྦྱོར་བ་རྟག་ཏུ་བཤད་པ་ཡིན།། དེ་ནས་རྒྱལ་དེ་དབང་གྱུར་ནས།། མཛའ་སྡུག་སྐྱེ་བོས་བཏང་ནས་སུ།། བདག་ཉིད་དང་ནི་ནོར་དག
340b3 གིས། ། ངེས་པར་བྲན་བཞིན་ལེགས་པར་བྱེད།། དེ་བཞིན་བཟླས་པ་ཁྲི་བྱས་ན།། བྲམ་ཟེ་དག་ཀྱང་དབང་དུ་འགྱུར།། རྗེའུ་རིགས་དམངས་རིགས་མ་ལུས་པར།། དྲུག་སྟོང་དག་གིས
340b4 ངེས་པར་འགྱུར། ། བུད་མེད་རྣམས་དང་བུ་མོ་ལ།། ཁྲི་དག་ཏུ་ནི་བཟླས་པར་བྱ།། དེ་ནས་ཕན་ཚུན་མཛའ་པོ་གཉིས།། དབྱེ་བར་བྱ་བར་འདོད་ན་ནི།། དེ་ནས་གཅིག་གི་གཟུགས་བརྙན་ནི།།
340b5 དེ་བཞིན་བྲིས་ནས་སྙིང་ཁ་རུ།། རྐང་པ་གཅིག་བཞག་ཅོག་པུར་འདུག། དེ་ཡི་མིང་ནི་མཐར་སྦྱར་ནས།། ཁྲོ་བོ་གཤིན་རྗེ་གཤེད་བཟླས་པ།། ཆེ་གེ་མོ་ཞིག་མྱུར་བ་རུ།། འདི་དང་དབྱེ
340b6 འགྱུར་ཕཊ་ཅེས་བྱ། ། དེ་ལྟར་དབྱེ་བ་བྱ་འདི་ལ།། སྟོང་ཕྲག་བཅུར་ནི་བཟླས་པ་བྱ།། དེ་ནས་སེམས་ཅན་རབ་གདུག་པར།། ཤེས་ནས་ལེགས་པར་གདུལ་བྱ་ན།། དཀོན་མཆོག་གསུམ
340b7 ལ་གནོད་བྱེད་ལ། ། ཁྲོ་བོས་སུ་ཡི་གཞན་དུ་མིན།། དགྲ་བོའི་གཟུགས་བརྙན་མིང་སྨོས་ནས།། དུར་ཁྲོདན་ཐལ་བས་བྲིས་ནས་སུ།། དེ་ནས་སེང་ལྡེང་ཕུར་བུལ།། བརྒྱ་རྩ་བརྒྱད་དུ་བཟླས
iiif viewer powered by OpenSeadragon
