| e-texts navigator |
| Wylie |
339b1 ནི། ། ཇི་སྐད་གསུངས་བཞིན་མཆོད་པ་བྱ།། འོན་ཀྱང་གྲུབ་སྟེ་དེ་ཡི་ཚེ།། འབྱུང་པོའི་གདོན་དང་དུག་རྣམས་དང་།། ཡིད་ལ་གང་དང་གང་འདོད་པ།། དེ་ཡིས་བསམ་པའི་ལས་ཀྱང
339b2 ནུས། ། ནམ་ཡང་དངོས་གྲུབ་ཕྲན་ཚེགས་ལ།། དེ་ནི་སྦྱར་བར་མི་བྱའོ།། དུག་ལ་སོགས་ཏེ་གང་བརྗོད་པ།། ལས་ཀྱི་རྣམས་ནི་ཚིག་གིས་བྱ།། གཞན་དུ་ཡེངས་པའི་ཚིག་གིས་ཀྱང་།། །
339b3 བདག་ཉིད་ཇི་ལྟར་འདོད་བཞིན་ནོ།། དེ་བཞིན་སེམས་ཅན་སྡང་རྣམས་ལ།། ཚར་གཅད་པ་དང་ཕན་འདོགས་ནུས།། གང་ཞིང་ནག་པོས་ཟིན་པ་ཡིས།། ལས་རྣམས་ཀྱང་ནི་བྱེད་འགྱུར
339b4 ཏེ། ། ཆུ་ཡིས་ངེས་པར་གཏོར་བ་དང་།། ལྷག་གམ་ཡང་ན་རྐང་པ་ཡིས།། ཁྲོ་བོས་ཇི་སྐད་གསུངས་པ་བཞིན།། ཐེ་ཙོམ་མེད་པར་སོས་པར་འགྱུར།། དེ་ལྟར་ཀུན་ཏུ་ཡིད་ཀྱིས
339b5 སམ། ། ཡང་ན་ཚིག་གིས་བསྐུལ་བར་བྱ།། ཇི་ལྟར་ཁྲོས་པ་མེད་པར་ཡང་།། ཕྲན་ཚེགས་ལས་ནི་གྲུབ་འགྱུར་ཏེ།། དྲན་པ་ཙམ་ནི་འབའ་ཞིག་གིས།། བྱེད་པ་པོ་ཡི་ལས་དེ་འགྲུབ།།
339b6 དེ་ནས་སྣོད་ལ་དབབ་པ་ཡི།། ལས་གཞན་འདི་ནི་རབ་ཏུ་བྱ།། གཞོན་ནུ་མཚན་དང་ལྡན་འགྱུར་ཞིང་།། ཉེས་པའི་སྐྱོན་མེད་ཡན་ལག་ཚང་།། ཤིན་ཏུ་བཀྲུས་ཏེ་རྒྱན་གྱིས་བརྒྱན།། བ་ལས
339b7 བྱུང་བའི་ལྔ་ཡང་བྲུད། ། དེ་ཡི་འོག་ཏུ་སྦྱང་བྱས་ཏེ།། ནམ་ནངས་པ་དང་བཀྲུས་བྱས་ལ།། དྲི་ཞིམ་པ་ཡི་དྲིས་བྱུགས་ཤིང་།། གོས་རྣམས་དང་ནི་རྒྱན་གྱིས་བརྒྱན།། དེ་ལྟར་མཆོད་པ་བྱས
iiif viewer powered by OpenSeadragon
