| e-texts navigator |
| Wylie |
339a1 ནི་བཤད་པ་རྣམས། ། བརྟུལ་ཞུགས་བྱེད་ནི་མ་ནུས་ན།། དེ་ལྟར་ཁྲོ་བོ་མཆོག་འདི་ལ།། སྔོན་བཞིན་མཆོད་པ་བྱེད་པ་དང་།། ཇི་སྐད་བཤད་ཟིན་བཟླས་བྱས
339a2 པས། ། ལས་རྣམས་ཇི་སྐ་དུ་བསྟན་པ་དང་།། དངོས་གྲུབ་ཇི་སྐད་བསྟན་པ་འཐོབ།། རྟག་ཏུ་བདེ་གཤེགས་སེམས་དཔའ་དེས།། བརྟུལ་ཞུགས་རྟག་ཏུ་མི་རུང་ནའང་།། ཉིན
339a3 གཅིག་བཞིན་དུ་བཟླས་བརྗོད་ལ། ། སྦྱོར་བས་འནོད་པའི་དོན་རྣམས་འཐོབ།། དེ་ལྟར་བརྟུལ་བཞུགས་ཀྱིས་བསྒྲུབས་དང་།། བསྒྲུབ་པ་སྣ་ཚོགས་ཆོ་ག་འདིར།། ཁྲོ་བོ་མཆོག་གིས
339a4 ཅི་གསུངས་པ། ། མ་ལུས་པར་ནི་བཤད་པ་ཡིན།། འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བ་ལས། ཁྲོ་བོ་གཤིན་རྗེ་གཤེད་ཀྱི་རྩ་བའི་མོ་གཞིར་མོ་རིམ་པར་ཕྱེ་བ
339a5 སྡེ་བརྒྱད་པའོ། ། །། དེ་ནས་ཆོ་ག་ཕྱི་མར་ནི།། ཇི་ལྟར་བརྟུལ་ཞུགས་མེད་ཀྱང་རུང་།། དེ་ཕྱིར་ཁྲོ་བོ་བདག་ཉིད་ཀྱིས།། གསུངས་པ་དེ་ཡི་ཆོ་ག་བརྗོད།། སྔགས་ནི
339a6 ཡི་གེ་བཅུ་བདུན་པོ། ། ཁྲོ་བོ་ཞེས་ནི་གང་བརྗོད་པ།། དེ་ལ་ཐོག་མར་སྟོན་བཞིན་དུ།། རི་མོ་བྲིས་ལ་དེ་མདུན་དུ།། ཚུལ་བཞིན་དུ་ནི་མཆོད་པར་བྱ།། མཁས་པས་ཡང་ན་སྐུ་གཟུགས
339a7 ཀྱང་། བྱེད་དུ་བཅུག་སྟེ་དེ་འོག་ཏུ།། མཁས་པས་བརྒྱད་འབུམ་བཟླས་པར་བྱ། དེ་ཡི་མཐའ་མར་དཀོན་མཆོག་ནི།། གསུམ་པོ་དག་ལ་མཆོད་ཆེན་བྱ།། དེ་ཡི་འོག་ཏུ་ཁྲོ་མཆོག
iiif viewer powered by OpenSeadragon
