| e-texts navigator |
| Wylie |
328a1 རྩེ་གསུམ་དཀྱིལ་འཁོར་མེ་ཏོག་ལ། ། བཞག་ནས་མེ་ཏོག་དག་གིས་མཆོད།། ཙན་དན་དམར་པོས་ཀུན་བཀྲུས་ཤིང་།། མེ་ཏོག་དག་གིས་ཐམས་ཅད་བརྒྱན།།
328a2 ཆོ་ག་བཞིན་དུ་ལག་གིས་བཟུང་།། རི་མོ་ལ་ནི་མངོན་ཕྱོགས་འདུག། ཁྲོ་བོ་མཆོག་གི་སྔགས་དག་གིས།། རྩེ་གསུམ་པ་ལ་མཁས་པས་བཟླས།། དེ་ཡི་ཉེས་པ་སྦྱང་བའི་ཕྱིར།།
328a3 བརྒྱ་རྩ་བརྒྱད་དུ་བཟླས་ནས་སུ།། ཁྲོ་བོ་མཆོག་གི་སྔགས་དག་གིས།། དེར་ནི་མི་ཡང་རབ་སྦར་ནས།། ཆོ་ག་བཞིན་དུ་རྩེ་གསུམ་ལ།། བདུག་པའི་སྦྱིན་སྲེག་སྟོང་བྱས་ནས།
328a4 ལག་པས་བསྒྲེང་སྟེ་བཟུང་ནས་སུ།། དཔའ་ཞིང་བརྟན་པའི་ཚུལ་དུ་གནས།། ཇི་སྲིད་མེ་ལྟར་འབར་གྱུར་པ།། དེ་སྲིད་བློ་དང་ལྡན་པས་བཟླས།། རྩེ་གསུམ་འབར་བ་ཉིད་ཀྱིས་ན།།
328a5 དེ་ནས་ཆེན་དུ་འཕར་བར་འགྱུར།། སྔགས་ཀྱི་མཐུ་ཡིས་མིག་གསུམ་ལས།། འོན་ཀྱང་ཉི་མ་བཞིན་དུ་འབྱུང་།། རིག་འཛིན་གཞན་རྣམས་ཐམས་ཅད་ཀྱང་།། དེ་ལ་མཆོད
328a6 ཅིང་དགའ་བར་བྱེད། ། དབང་ཕྱུག་ཀུན་དང་རབ་ཏུ་ལྡན།། འདོད་པའི་གཟུགས་ཅན་ཡིད་བཞིན་འགྱུར།། དེ་སྟེ་རྩེ་གསུམ་དུ་འབྱུང་བ།། དེ་ན་ལུས་ནི་མི་སྣང་འགྱུར།། འོན་ཏེ་དེ་ནི
328a7 ཚེ་གྱུར་ན། ། དཔུང་དང་ལྷ་མ་ཡིན་གྱི་གནས།། གཡུལ་ངོ་ཆེན་པོ་ལ་སོགས་པར།། འཇིགས་ཤིང་སྐྲག་པ་སྐྱེད་པར་བྱེད།། དེ་ལྟར་དང་པོ་སྒྲུབ་པའི་མཆོག། འདི་ནི་རབ་ཏུ
iiif viewer powered by OpenSeadragon
