| e-texts navigator |
| Wylie |
324b1 འདོད་པའི་དངོས་གྲུབ་རབ་ཏུ་སྟེར།། མི་ཐོད་ལས་ནི་བྱས་པ་དག། སྔར་བསྙེན་ལ་སོགས་མ་བྱས་པར།། མཆོད་པ་འབའ་ཞིག་བྱས་པས་ཀྱང་།། དགོས་པའིདོན་རྣམ་སྒྲུབ་པར་བྱེད།། སྐུ
324b2 གཟུགས་བཟང་པོའི་མཚན་ཉིད་དག། རྒྱས་པར་བཤད་པ་འདི་ཡིན་ནོ།། ཁྲོ་བོས་ཇི་སྐད་གསུངས་པ་བཞིན།། རི་མོའི་མཚན་ཉིད་བཤད་པར་བྱ།། མི་རོའི་གོས་བཟང་བཀྲུས་པ་ནི།
324b3 མཁས་པས་ཁྲུ་ཚད་གང་དག་ལ།། མི་རོ་ཉིད་ཀྱི་སྒྲ་དག་གི། པིར་གྱིས་ལེགས་པར་བྲི་བར་བྱ།། ཚོན་གྱི་ཁ་དོག་ཀུན་མེད་པར།། རི་བོར་ཁྲག་གིས་བྲི་བར་བྱ།། ཡང་ན་དེ་ཡི་སྐུ་གཟུགས
324b4 ནི། ། སྔ་མ་བཞིན་དུ་བཙག་གིས་དྲི།། ཁྲོས་ཤིང་འབར་བས་འཇིགས་འཇིགས་ལྟར།། གཡོན་བརྐྱང་བསྐུམ་པའི་ཚུལ་དུ་གནས།། ཞལ་དྲུག་དབུ་ཡང་གྱེན་དུ་བརྫེས།། སྨིན་མ་སེར
324b5 ཞིང་སྤྱན་ཡང་སེར། ། སྤྱན་ནི་ཟླུམ་པོ་གསུམ་དང་ལྡན།། བཅུ་གཉིས་ཕྱག་དང་ལྡན་པའི་སྐུ།། དེ་བཞིན་ཡི་དགས་སྟེང་ན་བཞུགས།། ཞབས་ནི་དྲུག་གིས་མཛེས་པར་བྱས།། གཡས
324b6 ཀྱི་ཕྱག་ན་མཆོག་སྦྱིན་ཅིང་། ། རྩེ་གསུམ་རལ་གྲི་དགྲ་སྟ་དང་།། བེ་ཅོན་དང་ནི་ལྕགས་ཀྱུ་བསྣམས།། ཁྲོས་པའི་ཕྱག་གཡོན་སྡིགས་པར་བྱེད།། ཕྱག་ན་ཤ་ཀ་ཏི་ཐོ་མར།། གཡོན་པའི
324b7 ཕྱག་ན་དབྱུག་ཏོ་བསྣམས། ། ཕྱག་ན་ཐོད་པ་ཞགས་པ་བསྣམས།། གཤིན་རྗེ་གཤེད་པོ་བྲི་བར་བྱ།། ན་བཟར་སྟག་གི་པགས་པ་གསོལ།། འཇིགས་པས་ཕ་རོལ་གནོན་པའི་ཞལ།།
iiif viewer powered by OpenSeadragon
