| e-texts navigator |
| Wylie |
322b1 བསྙེན་ལ་སོགས་པའི་རིམ། ། སྒྲུབ་པ་པོ་ལ་ངན་པའི་ཕྱིར།། ཆོ་ག་འདིར་ནི་བཤད་པར་བྱ།། གཅིག་ཏུ་དཔའ་བའི་ཁྲོ་བོ་ཉིད།། བདུད་རྣམས་ཐམས་ཅད་ཚར་གཅོད་པ།། དངོས་གྲུབ
322b2 ཐམས་ཅད་རབ་སྩོལ་ཅིང་། ། འཚེ་བ་ཐམས་ཅད་འཇིག་མཛད་པ།། ཐོག་མར་ཁྲོ་བོའི་རྒྱལ་པོ་ཡིས།། ཁྲུས་ཀྱི་ཆོ་ག་ཉིན་རེ་བྱ།། དེ་ནས་ཁྲོ་བོས་བསྐུལ་བ་ཡིས།། བསྲུང་བ་རང་གི་ལུས
322b3 ལ་བྱ། ། བྲུཾ་གྱི་ས་བོན་ལས་བྱུང་བའི།། ཡིད་ཀྱིས་པདྨའི་སྟན་ལ་འདུག། བདག་ཉིད་དེ་ཡི་སྟེང་དུ་ཡང་།། ས་བོན་ཧཱུཾ་ལས་གྱུར་པའི་སྐུ།། བསྒོམ་པར་བྱས་ཏེ་བསྒོམས་ནས་ཀྱང་།། བདག
322b4 གི་སྤྱི་བོར་ཡི་གེ་མོ། ། མིག་གཉིས་སུ་ནི་ཡི་གེ་ཨཱཿ།། བསྲུང་བར་བྱ་སྟེ་དེ་ནས་ཡང་།། སྔགས་ནི་ཡི་གེ་བཅུ་བདུན་པོ།། ཟློས་ཤིང་དེ་བཞིན་གཤེགས་དྲན་ནས།། རང་གི་ལུས་ལ་སྔར་བཀོད
322b5 པའི། ། སྙིང་པོ་སྙིང་ཁར་གཞག་པར་བྱ།། དེ་ནས་ཁྲོ་བོའི་འཚོགས་མ་ཡི།། བདག་གི་འཚོགས་མར་རེག་པར་བྱ།། ཁྲོ་བོའི་གཙོ་བོའི་སྤྱི་གཙུག་ཀྱང་།། ཕྱིས་ནི་གཙུག་ཏུ་གཞག་པར
322b6 བྱ། ། དེ་ནས་ལུས་ལ་གོ་ཆ་ཡང་།། ལག་པས་ཆོ་ག་བཞིན་དུ་བྱ།། དེ་ནས་བདག་གི་ལག་གཉིས་ལ།། བློ་དང་ལྡན་པས་མཚོན་ཆ་དགོད།། རང་གི་དམ་ཚིག་ལྡན་པའི་རྒྱ།། མཁས་པས་ཆོ་ག
322b7 བཞིན་བཅིངས་ནས། ། ཁྲོ་བོའི་གཙོ་ཡི་རོ་ལངས་མ།། བདག་གི་སྙིང་ཁར་གཞག་པར་བྱ།། དེ་བཞིན་བེ་ཅོན་ཕྱག་རྒྱ་ཡང་།། ཤིན་ཏུ་དྲག་པོའི་མཚོན་ཆའི་གནས།། ལག་པ་གཡས་པས
iiif viewer powered by OpenSeadragon
