| e-texts navigator |
| Wylie |
322a1 འཁྲུག་པ་རོ་ལངས་སམ། ། ཁྲོ་བོ་རྣམ་རྒྱལ་ཆོག་འདིར།། ཞགས་པས་གྲུབ་པའི་ལས་རྣམས་དང་།། མ་གྲུབ་གྲུབ་པ་གང་ཡིན་དེའི།། ལྷ་དང་ལྷ་མིན་གཉིས་ཀ་དག།
322a2 དགུག་པའི་ཆོ་གར་གསུངས་པ་སྟེ།། རོ་ལངས་མ་ཡི་ཆོ་ག་འདི།། ཚུལ་བཞིན་རིམ་པ་བཞིན་དུ་བཤད།། འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བ་ལས།། རོ་ལངས་མའི་ཆོ་ག
322a3 ཞིབ་མོ་རྣམ་པར་ཕྱེ་བ་སྟེ་དྲུག་པའོ། ། །། འདི་ནི་རོ་ལངས་ཆོ་ག་མཆོག། རིག་པ་འཛིན་པ་རྣམས་ལ་ནི།། དངོས་གྲུབ་ཆེན་པོ་མཆོག་སྟེར་བ།། ཚུལ་བཞིན་མདོར་བསྡུས་བཤད
322a4 པ་ཡིན། ། དེ་ནས་ཁྲོ་བོའི་ཆོ་ག་ནི།། ཞིབ་མོ་རྨད་དུ་བྱུང་བའི་མཆོག། ཁྲོ་བོའི་པདྨའི་ཞལ་ནས་བྱུང་།། ཡང་དག་རྒྱས་པར་བཤད་པར་བྱ།། སྔགས་ཀྱི་གྲངས་ནི་བཅུ་བདུན་པོ།། ཁྲོ་བོ
322a5 ཉིད་ཀྱིས་གསུངས་པ་གང་། ། ཐོས་པ་ཙམ་གྱི་མོད་ལ་ཡང་།། ལྷ་དག་ཀུན་ཏུ་རྨོངས་འགྱུར་བ།། འཇམ་པའི་དབྱངས་ཀྱིས་རབ་བསྐུལ་བ།། ཁྲོ་བོ་དེ་ཉིད་འབར་བ་ཡི།། བཟླས་པའི་གྲངས
322a6 ནི་ངེས་པ་དག། ཆོ་ག་ཞིབ་མོ་འདིར་བཤད་བྱ།། ཐོག་མར་དྲུག་འདུམ་བཟླས་པས་ནི།། སྔོན་དུ་བསྙེན་པ་བྱས་པར་འགྱུར།། དེ་ནས་བུ་དོན་ཆོ་ག་ཡིས།། ཕྱིས་ཀྱང་དྲུག་འབུམ་བཟླས་པར
322a7 བྱ། ། དེ་བཞིན་རི་རྩེར་འབུམ་བཟླས་ན།། གྲུབ་པར་འགྱུར་ཏེ་གཞན་དུ་མིན།། ཕྱིས་ནི་མཁས་པས་ཅི་འདོད་པར།། སྒྲུབ་པ་ལ་ནི་འཇུག་པར་བྱ།། དེ་ནས་ཁྲོ་བོ་རྣམ་རྒྱལ་གྱི།། སྔོན་དུ
iiif viewer powered by OpenSeadragon
