| e-texts navigator |
| Wylie |
320b1 གཞན་དུ་མིན། ། མཁས་པ་ཡིས་ནི་གིའུ་ཝང་དག། ངེས་པར་བདག་གི་ཁྲག་དང་སྦྱར།། ལན་གྲངས་མང་དུ་སྦྱར་ནས་ཀྱང་།། མཁས་པས་དེ་ནི་ཐོད་པར་གཞག། དེ་ནས་ཟླ་བ་གཟ་ཟིན་ཚེ།།
320b2 ཟླ་བ་ལ་ནི་མིག་བལྟས་ཤིང་།། བཏང་གི་བར་དུ་ལེགས་པར་བཟླས།། ནང་པར་བདག་གི་དཔྲལ་བ་ལ།། ཐིག་ལེ་གཅིག་ནི་བྱས་ནས་ཀྱང་།། དེ་ནས་རྒྱལ་པོའི་འཁོར་དུ་འགྲོ།། འགྲོ་བ་དབང
320b3 བྱེད་སྦྱོར་བ་འདྲི། ། མདོར་བསྡུས་ནས་ནི་བཤད་པ་སྟེ།། རྒྱུ་དང་མི་རྒྱུ་འཇིག་རྟེན་དག། མཐོང་བ་ཡིས་ནི་དགའ་བར་འགྱུར།། འདི་ནི་འཇིག་རྟེན་པ་རྣམས་ཀུན།། དགའ་བར་བྱེད་པ་བསྣུན
320b4 པ་ཡིན། ། དེ་ནས་དགུག་པའི་ཆོ་ག་ཡང་།། འཇམ་དབྱངས་མགོན་པོ་གཅིག་པུ་ཡི།། དྲོ་བོའི་ཞལ་ནས་གསུངས་པ་དག། མདོར་བསྡུས་ནས་ནི་བཤད་པར་བྱ།། བུད་མེད་བུ་མོ་ཤི
320b5 སྐྲ་ལས། ། མར་གྱི་བརྒྱད་ལ་ནན་ཏན་དུ།། ཞགས་པ་ལེགས་པར་བཀལ་བྱས་ཏེ།། དེ་ནས་ཐོད་པའི་ནང་དུ་གཞུག། དེ་ནས་ཟླ་བ་གཟས་ཟིན་པར།། འགྱུར་བའི་བར་དུ་ཉིན་རེ་བཟླས།།
320b6 ཟླ་བ་གཟས་ཟིན་གྱུར་པ་དང་།། ཆུ་འགྲམ་གཙང་མ་དག་ཏུ་ཡང་།། དེར་ནི་ཡི་དགས་ཕལ་ཆེན་གྱི།། དཀྱིལ་འཁོར་དེ་བྲིས་མཆོད་པ་བྱ།། ཁྲོ་བོའི་གཙོ་བོས་གསུངས་པ་ཡི།། རོ་ལངས་ཁྲོ་བོ
320b7 ལྡན་པ་ལ། ། གཏོར་མ་རྒྱ་ཆེན་བྱས་ནས་ནི།། དེ་ནས་ཕྱི་རོལ་འབྱུང་པོ་ལའོ།། དེ་ནས་དེ་ལ་ལག་གིས་མནན།། མི་ཐོང་ནང་དུ་འདུག་པ་ཡི།། ཞགས་པ་ཇི་སྲིད་གཡོ་ཡི་བར།། ཟླ་བ་ལ་བལྟས
iiif viewer powered by OpenSeadragon
