| e-texts navigator |
| Wylie |
318b1 བྱེད་པར། ། རིག་ནས་ཇི་ལྟར་འདོད་པ་ནི།། དེ་དག་རང་གི་ཕྱོགས་འཁྲུགས་པར།། སྔགས་པས་ཇི་སྐད་གསུངས་བཞིན་བྱ།། བར་ཧྲི་དང་ནི་རུ་ཙིར།། པ་ཏྲ་དང་ནི་ཀེ་ཤི་ནི།། དྭེ།
318b2 བཞིན་ཐ་མ་སུ་ཀ་རི།། རྫོགས་པའི་བྱང་ཆུབ་བཞུགས་བཞུགས་པ།། མཐུ་ཆེན་སྨན་ནི་འདི་རྣམས་ལས།། གང་ཡང་རུང་བ་ཞིག་བླངས་ཏེ།། ལོ་མ་རླུང་གིས་བཏབ་པར་སྦྱར།། དེ
318b3 བཞིན་བ་ལ་ཀ་ཏ་དང་། ། གོ་སྣོད་ནག་པོ་ལྡོང་རོས་དག། འདི་དག་བཏགས་ཏེ་ཕྱེ་མར་བྱ།། མི་ཡི་ཚིལ་གྱིས་སྦྲུས་ནས་སུ།། རོ་ལངས་སྟོང་རྩ་བརྒྱད་དུ་བཟླས།། ནམ་ལངས་པ་རུ་གྱུར་པ
318b4 དང་། ། གདུག་པ་འཁྲུག་པར་བྱེད་ཅེས་བྱ།། གང་གིས་བསྣམས་ཏེ་དེ་དག་ནི།། རང་གི་ཕྱོགས་རྣམས་ཕན་ཚུན་འཁྲུག། གཅིག་ལ་གཅིག་ཀྱང་འཐུབ་པར་འགྱུར།། ཡུལ་འཁོར
318b5 དང་ནི་གྲོང་ཁྱེར་དང་། ། དཔུང་ལ་གནོད་པ་བྱ་བའི་ཕྱིར།། ཕན་ཚུན་གསོད་པར་བྱ་བ་ལ།། བདུག་པ་འདི་ནི་སྐུར་བར་བྱ།། ཕན་ཚུན་འཐབ་ཅིང་གསོད་པ་དག། ཅི་རིགས་བསྟན་པ
318b6 འདི་ཡིན་ནོ། ། དེ་ནས་གཞན་ཡང་མིག་འཕྲུལ་གྱི།། ཆོ་ག་ཚུལ་བཞིན་བཤད་པར་བྱ།། དུར་ཁྲོད་དག་གི་ཐལ་བ་ཡིས།། མིག་འཕྲུལ་དངོས་པོ་འགྲུབ་པར་འགྱུར།། མི་ཐོད་བཟང་པོར
318b7 ཐལ་བ་དང་། ། རི་བོང་དག་གི་ཁྲག་ཐུགས་ཏེ།། ཡི་དགས་ཕལ་ཆེན་དཀྱིལ་འཁོར་གྱི།། ཇི་སྐད་གསུངས་པ་བྲིས་པ་གཞག། དེ་ཡི་ནང་དུ་རོ་ལངས་ལ།། མཆོད་པ་ཆེན་པོ་བྱས་ནས་ནི།།
iiif viewer powered by OpenSeadragon
