| e-texts navigator |
| Wylie |
318a1 བློ་དང་ལྡན་པས་བསྒྲུབ་བྱ་ཡི།། དྲེགས་པས་དེ་ལྟར་བསལ་བྱས་ན།། ནབ་ཀུན་གྱིས་བཏབ་པ་དེ།། དེ་ནས་སླར་ཡང་ཐར་པར་བྱ།། གཞན་དུ་བྱས་ན་མོད་ལ་ནི།། ངེས
318a2 པར་འཆིང་དག་མདུན་དུ་འགྲོ། ། དཀོན་མཆོག་གསུམ་ནི་བསྲུང་བའི་ཕྱིར།། གནོད་པར་བྱེད་པ་ཐམས་ཅད་ལ།། ནད་ལ་སོགས་པ་སྦྱར་ན་ཡང་།། འཆི་བར་འགྱུར་བ་འདི་བཤར་དོ།། དམ་ཚིག
318a3 ཤེས་ལ་མི་བྱ་སྟེ། ། གལ་ཏེ་བྱས་ན་བདག་ཉིད་འཆི།། བསྐྲད་པར་བྱ་བའི་ཆོ་ག་ཡང་།། འཇམ་དབྱངས་རབ་ཏུ་དཔའ་བོ་ཡང་།། ཁྲོ་བོ་ཉིད་ཀྱིས་ཇི་སྐད་དུ།། གསུངས་པ་ད་ནི་བཤད་པར་བྱ།།
318a4 སེང་ལྡེང་ལས་བྱས་ཕུར་བུ་ནི།། སོར་བརྒྱད་ཙམ་དུ་བྱས་པ་ལ།། ཡུངས་མར་ཚ་བས་བྱུགས་ནས་ནི།། དུར་ཁྲོད་ཐལ་བས་གདབ་པར་བྱ།། དེ་ནས་ཁཱ་ནི་རང་ཤི་བའི།། དེ་ཡི་པགས
318a5 པས་དཀྲི་བར་བྱ། ། སྒྲུབ་པས་ནུབ་མོ་ཕུར་བུ་དེ།། སྐུད་པ་དམར་པོས་བཅིངས་ནས་ནི།། དེ་ནས་རོ་ལངས་ཕྱག་རྒྱ་ནི།། སྐྲོད་ཅིག་པ་ཡི་ཚིག་ལྡན་པས།། བསྒྲུབ་པར་བྱ་ཡི་མིང་སྨོས་ཏེ།།
318a6 མཁས་པས་སྟོང་རྩ་བརྒྱད་བཟླས་པ།། དེ་ནས་སྐྲོད་པར་འདོད་པ་ཡིས།། བསྒྲུབ་པར་བྱ་བའི་སྒོ་བར་ནི།། ཕུར་བུ་དེ་ནི་གདབ་པར་བྱ།། འདི་ནི་སྐྲོད་པའི་མཆོག་ཏུ་གསུངས།། འོན་ཏྲང
318a7 བརྒྱ་བྱིན་སྟོབས་ལྡན་པའི། ། བསྒྲུབ་པར་བྱ་བའང་བསྐྲད་པར་འགྱུར།། དེ་ནས་གཞན་ཡང་གཅིག་ལ་གཅིག། འཐབ་དང་རྩོད་པ་བཤད་པར་བྱ།། དཀོན་མཆོག་གསུམ་ལ་གནོད
iiif viewer powered by OpenSeadragon
