| e-texts navigator |
| Wylie |
317b1 བ་མེད་པར་བསྒྲུབ་པར་བྱ། ། ཁྲོ་དང་གཏུམ་པའི་སྤྱོད་པ་ཅན།། འདོད་ཕྱིར་གསོད་པར་འདོད་དེ་ལ།། དེ་བཞིན་གཤེགས་པའི་དངོས་གྲུབ་དག། རྨི་ལམ་དུ་ཡང་ག་ལ་འབྱུང་།། སྙིང་བརྩེ་བཟོད
317b2 དང་དེ་བཞིན་བྱམས། ། རང་བཞིན་གྱིས་ནི་སྙིང་རྗེ་ཅན།། ཇི་སྐད་བསྟན་པའི་སྔགས་པ་ནི།། བྱང་ཆུབ་སེམས་ཉིད་སེམས་བྱེད་ལ།། དེ་བཞིན་གཤེགས་པའི་དངོས་གྲུབ་ཀུན།། གདོན
317b3 མི་ཟ་བར་དེ་ལ་འགྲུབ། ། གདུག་པ་རྣམས་ནི་འདུལ་བའི་ཕྱིར།། སྦྱོར་བ་འདི་ནི་ཀུན་ཏུ་གསུངས།། དཀོན་མཆོག་གསུམ་ལ་ཆེར་གནོད་ལ།། བྱ་བར་བཤད་ཀྱིས་གཞན་དུ་མིན།། སེམས
317b4 གདུག་བསྒྲུབ་པར་བྱ་བ་ཡི། ། རྐང་པའི་རྗེས་ཀྱིས་བླངས་ལ།། དེ་ནས་གཙང་མའི་མ་ཧེ་ཡི།། གཅིན་གྱིས་དེ་ནི་སྦྲུས་ནས་ཀྱང་།། དེ་ཡི་གཟུགས་བརྙན་བྱས་ནས་ནི།། དུར་ཁྲོད་ཐལ་བས་བསྐུ
317b5 བར་བྱ། ། སོལ་བ་ཚེར་མ་རྣོན་པོ་དང་།། དེ་བཞིན་རུས་པ་ཕུབ་མ་དག། དེ་ཡི་སྙིང་ཁར་གདབ་པར་བྱ།། དེ་བཞིན་གཞན་ཡང་ལྟོ་བ་དང་།། རྣ་བ་སྣ་དང་མིག་དང་ཁ།། རབ་ཏུ་བཀང་ནས་གཡང
317b6 སར་གཞག། རྐང་པ་གཡོན་པས་མནན་པར་བྱ།། དེ་ནས་རོ་ལངས་ཞི་བའི་སྔགས།། ཕྱིན་ཅི་ལོག་ཏུ་བཟློག་སྟེ་བཟླས།། བསྒྲུབ་པར་བྱ་བའི་མིང་སྨོས་ནས།། སྒྲུབ་པ་སྟོང་རྩ་བརྒྱད་བཟླས
317b7 ལ། ། བཟློག་པའི་རིམ་པ་འདི་ཉིད་ཀྱིས།། ཕཊ་གཉིས་དག་གི་བར་དུ་གཞུག། ལས་འདི་བྱས་པས་ངེས་པར་ནི།། བསྒྲུབ་པར་བྱ་བ་སྤོས་གྱུར་ནས།། ངེས་པར་འཆི་བདག་དབང་དུ་འགྱུར།།
iiif viewer powered by OpenSeadragon
