| e-texts navigator |
| Wylie |
312a1 ཁྲོ་བོས་བྱ། ། དཀྱིལ་འཁོར་གྱི་ནི་ཁོར་ཡུག་གི། ཕྱོགས་བརྒྱད་དག་ཏུ་མར་མེ་དགོད།། དུར་ཁྲོད་དག་གི་མགལ་དུམ་མམ།། ཡང་ན་གསལ་ཤིང་དག་གིས་བུད།།
312a2 སེང་ལྡེང་དག་གི་གཟར་བུ་ཡིས།། ཚིལ་ཆེནུ་དག་ལ་ལྡན་བདུན་དུ།། ལྷོ་ཕྱོགས་མེ་ལ་བསྲེགས་ནས་ནི།། དེ་ནས་ཁྲོ་བོ་བསྒྲུབ་པར་བྱ།། དེ་ལ་སྔོན་དུ་བསྙེན་པ་དང་།། བཟླས་པ་དང་ནི
312a3 བསྡམས་པའང་མེད། ། རིག་འཛིན་ཉིད་ཀྱི་སེམས་སྟོབས་ཉིད།། འདི་ཡི་རྒྱུ་ནི་ཤེས་པར་བྱ།། ལྷོ་ཕྱོགས་སྐོར་ནི་ནན་ཏན་དུ།། རྨ་མེད་པ་ཡི་རོ་བཞག་སྟེ།། སྙིང་བཔར་རོ་ལངས
312a4 རྒྱ་བཞག་ལ། ། དེ་ལ་རབ་ཏུ་བསྐོར་བར་བྱ།། དེ་ནས་ཁྲོ་བོ་ཆེན་པོ་ཡིས།། ཤིན་ཏུ་བཀྲུས་ཤིང་ལེགས་པར་བརྒྱན།། དྲི་དང་མེ་ཏོག་དམར་སྔོན་གྱིས།། ལེགས་པདག་ཏུ་མཆོད
312a5 ནས་ཀྱང་། ། མཁས་པས་རོ་ལངས་ཕྱག་རྒྱ་ཡིས།། ཐོག་མར་བདག་ཉིད་བསྲུང་བར་བྱ།། ག་ཤིན་རྗེ་གཤེད་བྱེད་ཡན་ལག་ལྔ།། དེ་བཞིན་ལུས་ལ་སྦྱར་བར་བྱ།། དཔའ་བོ་མཐུ་ཆེན
312a6 བདག་ཉིད་ཀྱིས། ། རལ་གྲི་ལག་པར་བླངས་ནས་ནི།། དཔའ་བོའི་རྐང་པ་གཡོན་པ་ཡིས།། དེ་ཡི་སྙིང་ཁར་མནན་ནས་ནི།། ཁྲོ་བོ་ཡི་ནི་གཙོ་བོ་ཡི།། ཡི་གེ་བཅུ་བདུན་སྔགས་བཟླས་སོ།། །
312a7 ཨོཾ་མ་ཀྲོ་དྷ་ཀ་ཡ་མནྟ་ཀ། ཧ་ན་མ་ཐཱ་བྷཉྩ་ཧཱུཾ་ཕཊ། འདི་ནི་རྩ་བའི་སྔགས་ཡི་གེ་འབྲུ་བཅུ་བདུན་པའོ།། དེ་སྔགས་དྲག་པོས་བསྐུལ་བ་དང་།། ཡི་དགས་དེ་ནི་གཡོ་བར་འགྱུར།།
iiif viewer powered by OpenSeadragon
