| e-texts navigator |
| Wylie |
311a1 གཙོ་བོ་ནི། ། གཤིན་རྗེ་གཤེད་པོ་གཅིག་དཔའ་བའི།། སྙིང་པོ་ཕྱག་རྒྱ་བེ་ཅོན་དང་།། སྙིང་པོ་དག་གིས་སྦྱར་བར་བྱ།། འཇམ་དཔལ་གྱི་ཙཱ་བའི་ཆོ་ག་ཞེ་བ
311a2 ཁྲོ་བོ་རྣམ་པར་རྒྱལ་བ་ལས། བེ་ཅོན་གྱི་ཕྱག་རྒྱའི་ཆོ་ག་ཞིབ་མོ་རྣམ་པར་ཕྱེ་བ་སྟེ་ལྔ་པའོ།། །། དེ་ནས་ཡི་གེ་བཅུ་བདུན་པའི།། རྩ་བའི་སྔགས་ནི་གང་ཡིན་པ།། དེ་ཡི་ཕྱག
311a3 རྒྱ་གཞན་དག་ཀྱང་། ། རོ་ལངས་ཞེས་ནི་བྱ་བ་ཡོད།། གཤིན་རྗེ་གཤེད་པོ་དྲག་བརྩོན་པའི།། སྙིང་ནི་དགའ་བྱེད་གསང་བའོ།། སྔགས་པ་དག་གིས་གང་དག་ཏུ།། བཅིངས་པ་དེར་ནི་བྱིན
311a4 རློབ་པ། ། རོ་ལངས་ཞེས་བྱའི་ཕྱག་རྒྱ་འདི།། ཁྲོ་བོས་གསུངས་པ་བཤད་པར་བྱ།། དུར་ཁྲོད་དག་གི་ཐམས་ཅད་ནི།། གང་ལ་རྟག་ཏུ་རག་ལུས་པའོ།། དེ་ནས་ལག་པ་གཉིས་ཀ་ཡི།། སོར
311a5 མོ་ཕན་ཚུན་བསྣོལ་བྱས་ཏེ། ། སོར་མོ་གུང་མོ་གཤིབས་ཏེ་བསྒྲེང་།། མཛུབ་མོ་གཉིས་ཀྱིས་སྲིན་ལག་གཉིས།། མཐེ་བོང་གཉིས་ཀྱིས་སྲིན་ལག་གཉིས།། ལེགས་པར་བཟུང་ནས
311a6 དགུག་པར་བྱ། ། མཐེའུ་ཆུང་གཉིས་ཀྱང་ནང་དུ་དགུག། དེ་བཞིན་དུ་ནི་མཐེ་བོང་གཉིས།། ཕན་ཚུན་བསྣོལ་ཏེ་བརྐྱང་བར་བྱ།། ཤེས་རབ་ཅན་གྱིས་རོ་ལངས་འདི།། རྟག་ཏུ་ཚུལ་བཞིན
311a7 ཁྲོ་བོས་བསྟན། ། ཁྲོ་བོ་གཙོ་བོའི་གསང་སྔགས་གང་།། ཡི་གེ་བཅུ་བདུན་ལེགས་གསུངས་པ།། དེ་ཉིད་འདི་དང་སྦྱར་བར་བྱ།། རོ་ལངས་ཕྱག་རྒྱ་ལྡན་པ་སྟེ།། བདག་ཉིད་འདོད་པ་ཐམས
iiif viewer powered by OpenSeadragon
