| e-texts navigator |
| Wylie |
310a1 ཐམས་ཅད་ཀྱི། ། དམ་ཚིག་རབ་ཏུ་སྐོང་བ་ཡིན།། སྒྲུབ་པ་གང་དང་གང་འདོད་པ།། དེ་ནི་ཐོགས་པ་མེད་པར་བྱེད།། གལ་ཏེ་དེར་ནི་མ་གྲུབ་ན།། འདི་ཡི་སྔོན་དུ་བསྙེན
310a2 པ་ནི། ། ཆོ་ག་བཞིན་དུ་འབུམ་བྱས་ལ།། དེ་ནས་བློ་ལྡན་སྒྲུབ་ལ་འཇུག། དེ་ཚེ་དེ་བཞིན་གཤེགས་པ་ཡི།། སྔ་མའི་དམ་ཚིག་བསྐུལ་བ་བཞིན།། དེ་ནས་སླར་ཡང་སྔགས་རྣམས་ལ།།
310a3 ཐོགས་པ་མེད་པར་དེ་བཞིན་སྦྱར།། ཕྱག་འཚལ་བ་དང་ཀུན་ཏུ་ལྡན།། དེ་ཡི་ཐོག་མར་ཨོཾ་བཞག་ལ།། ཨོཾ་ཞེས་བྱ་བ་གཞན་ཡང་གཞག། ཨ་ཞེས་བྱ་བ་གཉིས་པའོ།། དེ་ཡི་ཚིག་གི་མཇུག
310a4 ཏུ་ཧཱུཾ། བཞག་སྟེ་དེ་ནས་ཚིག་རྣམས་ཀུན།། དེ་ལྟར་ཀྲོ་དྷ་བི་ཛ་ཡ།། ཨག་ནིར་ཛྭ་ལི་ཛིཉྫ་ཏྲ་ཤྲཱི།། ཚིག་རྣམས་གཞན་ནི་བརྗོད་པར་བྱ།། དེ་ནས་དེ་ཡི་ཐ་མར་ཧཱུཾ།། དེ་བཞིན་ཚིག་གི་ཐ་མར
310a5 ཨོཾ། ། མཐའ་མར་ཨཱ་བཞག་དེ་ཡི་མཐར།། ཧཱུཾ་དང་སི་ཊི་ལག་གཉིས་བསྒོམ།། མཱ་བུ་ཏ་ཞེས་ལག་གཉིས་བསྒོམ།། དེ་ནས་དེ་བཞིན་གཤེགས་པ་ཡི།། བཀའ་ལུང་གིས་ནི་ཕྱག་རྒྱ་དེ།
310a6 གཟིར་ནས་རང་གིས་བཟླས་བརྗོད་བྱ།། དེ་ལྟར་བཟླས་བརྗོད་འབུམ་བྱས་ནས།། ཁྲོ་བོ་ཆེན་པོ་དེ་ཡིས་ནི།། ཀུན་ལ་ཅི་རིགས་བསྐུལ་ནས་སུ།། ལས་རྣམས་ཐམས་ཅད་བསྒྲུབ་པར་བྱ།།
310a7 ཁྲོ་བོ་གཙོ་བོ་དེ་ཡི་ནི།། བཀའ་བཞིན་བྱེད་དེ་གཞན་དུ་མིན།། གང་གིས་སྔོན་དུ་བསྙེན་བྱས་པ།། དེ་ཡིས་བསྐུལ་བའི་ཆོ་ག་ནི།། ཇི་སྐད་གསུངས་པའི་ལས་རྣམས་ལ།། མ་གྲུབ་ན་ནི་ངེས
iiif viewer powered by OpenSeadragon
