| e-texts navigator |
| Wylie |
308a1 དེ་བཞིན་བསྐྲད་དང་བསྐུལ་བ་ཡི།། མགོ་དང་མཇུག་ཏུ་ཧཱུཾ་གཞུག་གོ།། ཡང་དགའ་བར་བའི་ཕཊ་ཀྱང་གཞག། གསང་བའི་མཆོད་པའི་ཆོ་གར་གྲགས།། དེ་ལྟར
308a2 མཆོད་པའི་རིམ་པ་དེར། ། བེ་ཅོན་དགུ་ནི་བྱས་པར་འགྱུར།། གསང་བའི་མཆོད་པའི་སྦྱོར་བ་ཡིས།། འདུག་པ་མེ་ཏོག་དེ་བཞིན་དྲི།། དེ་བཞིན་གཏོར་མ་མར་མེ་དང་།། བཟླས་པ་མེད་ཀྱང
308a3 འགྲུབ་པར་འགྱུར། ། དབང་དུ་བྱ་དང་དབྱེ་བ་དང་།། བསྐྲད་དང་གསད་ལ་སོགས་པ་ནི།། ཇི་སྐད་གསུངས་པའི་ཚུལ་དག་དང་།། དེ་ལྟར་སྦྱོར་བ་དྲི་འདྲ་ལས།། ཚེས་གྲངས་དག་དང་སྐར་མ་དང་།།
308a4 སྨྱུང་བ་དག་ཀྱང་བྱ་མི་དགོས།། གསང་བའི་མཆོད་པའི་ཆོ་ག་ཤེས།། ཕྱག་རྒྱའི་དཀྱིལ་འཁོར་ལེགས་བྱས་ལ།། ཁྲུས་བྱས་ཁྲུས་ནི་མ་བྱས་རུང་།། ཇི་ལྟར་འདོད་པ་རང་དགར་སྤྱོད།། ཅི
308a5 ཡང་རུང་བའི་གཏོར་མ་དང་། ། ལོ་མ་མེ་ཏོག་འབྲས་བུས་ཀྱང་།། གང་དག་གཤིན་རྗེ་གཤེད་པོ་ཡི།། སྙིང་པོ་ཕྱག་རྒྱ་མཆོད་བྱེད་ལ།། བྱང་ཆུབ་སེམས་དང་ལྡན་འགྱུར་ཞིང་།། རབ་ཏུ་གུས
308a6 ནརྒྱུ་དྲུག་གིས། ། དེ་ནི་ཅི་འདོད་དགོས་པ་རྙེད།། ཇི་ལྟར་འདོད་པའི་ལས་ཀྱང་བྱེད།། འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བ་ལས།། བེ་ཅོན་གྱི་ཕྱག་རྒྱའི་དཀྱིལ་འཁོར་གསང
308a7 བའི་མཆོད་པ་རིམ་པར་ཕྱེ་བ་སྟེ་བཞི་པའོ། ། །། དེ་ནས་བེ་ཅོན་ཕྱག་རྒྱ་ཡི།། ཇི་སྐད་གསུངས་པ་དེ་དག་སྒྲུབ།། དེ་ཡིད་དཀྱིལ་འཁོར་གཉིས་པའང་གཞན།། དཀྱིལ་ན་མི
iiif viewer powered by OpenSeadragon
