| e-texts navigator |
| Wylie |
304a1 བཞད་ཅིང་ཞལ་གཅིག་ནི། ། ཞལ་གཅིག་འཇིགས་པར་བཟད་པའི་ཞལ།། ཞལ་གཅིག་ཞལ་ནི་གདངས་པ་སྟེ།། སྔགས་ཀྱང་བསྐྱོད་པར་མཛད་པ་དང་།
304a2 ཞལ་གཅིག་ཀྱང་ནི་མཆེ་བ་གཙིགས།། དེ་ལྟར་སྙིང་པོས་ལེགས་པར་ནི།། སྤྱན་དྲངས་མཆོད་ཡོན་དབུལ་བར་བྱ།། དེ་ནས་དྲི་དང་སྦྱར་བའི་ཆུས།། མཆོད་ཡོན་ཆོ་ག་བཞིན་ཕུལ
304a3 ནས། ། ཡི་དྭགས་ཀྱི་ནི་སྤྱི་བོར་ཡང་།། མེ་ཏོག་དམར་པོ་གཞག་པར་བྱ།། བློ་ཚོན་གྱིས་ནི་ཁྲོ་བོ་ལ།། དེ་ནས་ཙན་དན་དམར་པོ་དབུལ།། དྲི་ཡི་འོག་ཏུ་མེ་ཏོག་རྣམས།།
304a4 ཙན་དན་གྱི་ནི་གཏོར་མ་དབུལ།། མེ་ཏོག་མེ་ཏོག་གཏོར་མ་དབུལ།། མེ་ཏོག་མེ་ཏོག་འཕྲེང་བ་རྣམས།། མེ་ཏོག་སྔགས་ཀྱིས་དབུལ་བར་བྱ།། མེ་ཏོག་སྔགས་ཀྱིས་རིམ་བཞིན་དུ།
304a5 མེ་ཏོག་ཆོ་ག་བཞིན་ཕུལ་ནས།། རང་གི་སྙིང་པོ་སྔགས་ཀྱིས་ཀྱང་།། ཁྲོ་བོ་ཡི་ནི་སྤྱི་བོ་དང་།། ཁྲོ་བོ་གཙོ་བོའི་སྙིང་ཁ་ར་ནི།། སྙིང་པོ་རྣམ་པར་དགོད་པར་བྱ།། འཚོགས་མར
304a6 དེ་ཡི་འཚོགས་མ་དང་། ། དེ་ཡི་གཙུག་ཏུ་སྤྱི་གཙུག་གཞག། དེ་ཡི་ལུས་ལ་གོ་ཆ་དང་།། མཚོན་ཆའི་ཚོགས་ལ་མཚོན་བཞག་སྟེ།། འདི་སྐད་བསྟན་པ་འདི་དག་ནི།། མེ་ཏོག
304a7 དག་གིས་དགོད་པར་བྱ། ། དེ་ལྟར་ཅི་རིགས་མཆོད་ནས་ཀྱང་།། བདུག་པ་རང་གི་སྔགས་ཀྱིས་དབུལ།། དེ་ནས་མར་མེ་རབ་འབར་བ།། ཕྱོགས་བརྒྱད་དུ་ཡང་དགོད་པར་བྱ།། འབྱུང
iiif viewer powered by OpenSeadragon
