| e-texts navigator |
| Wylie |
302b1 བྱང་ཤར་ལ་སོགས་པའི། ། ཟླ་ཡི་ནང་ནི་དེ་དག་ཏུ།། མཁས་པས་བེ་ཅོན་ཕྱག་རྒྱ་བྲི།། ཕྱོགས་ཀྱི་སྒོར་ནི་ཡི་དགས་གཞག། གཞན་ཡང་ཡི་དགས་ལྔ་པ་ནི།། པདྨའི་སྟེང་དུ་བསམ
302b2 པར་བྱ། ། དེ་བཞིན་ཕྱི་སྒོའི་ནང་དག་དང་།། ཕྱོགས་རྣམས་དེ་དགྲ་ཐམས་ཅད་དུ།། མི་རོ་མགོ་མེད་ཡི་དགས་རྣམས།། དུར་ཁྲོད་ཐལ་བས་དང་ར་ཏེ་བྲི།། དེ་ཕྱིར་ཡི་དགས་ཕལ་ཆེན
302b3 ཡིན། ། ཁྲུ་གང་ལ་སོགས་རིམ་པ་ནུས།། ཁྲུ་བརྒྱད་པ་ཡི་བར་དུ་སྟེ།། དེ་ལས་ལྷག་པར་ཡོང་མི་བྲི།། རྟག་ཏུ་བདག་ཉིད་མཆོད་པ་ནི།། ཁྲུ་གང་བ་ནི་བྲི་བར་བྱ།། ཞི་བ་དང་ནི
302b4 རྒྱས་པ་དང་། ། མི་རྒྱལ་སྒྲུབ་པ་ཁྲུ་དོར་བསྟན།། སེམས་ཅན་ཀུན་ནི་བསྐྲད་པ་དང་།། དེ་བཞིན་གཞིག་ལ་ཁྲུ་གསུམ་པ།། ཁྲུ་བཞི་དབང་དང་དགུག་པ་ཡི།། ལས་རྣམས་ཀྱི་ནི་མཆོག
302b5 ཏུ་གསུངས། ། ཁྲུ་ལྔ་ནད་དང་མི་ནད་དང་།། དགྲ་རྣམས་མེད་པར་བརྩལ་བའི་མཆོག། ཁྲུ་དྲུག་བགེགས་རྣམས་ཐམས་ཅད་དང་།། གདོན་རྣམས་ངེས་པར་ཟློག་པར་བྱེད།། ཁྲུ་བདུན
302b6 པ་ནི་ལྷ་ཡི་རྣམས། ། དབང་དང་དགུག་པའི་ལས་རྣམས་བྱེད།། ཁྲུ་བརྒྱད་པ་ནི་དངོས་གྲུབ་ཀུན།། སྦྱིན་སྲེག་མཆོག་ཏུ་ཤེས་པར་བྱ།། དེ་ལྟར་ཅི་རིགས་བྲིས་ནས་ནི།། དེ་ནས
302b7 གཙང་མས་ཉེ་རེག་བྱ། ། ཆུ་ཡི་ཕྱིར་ནི་ཆུ་ཡི་སྣོད།། ཆུས་ནི་རབ་ཏུ་དགང་བར་བྱ།། དེ་བཞིན་མེ་ཏོག་དོན་དུ་ཡང་།། མེ་ཏོག་སྡུག་གུ་དྲི་ཞིམ་དང་།། མེ་ཏོག་འཕྲེང་བས་སྣོད་མཆོག
iiif viewer powered by OpenSeadragon
