| e-texts navigator |
| Wylie |
296b1 རྣམས་སེམས་ཅན་ཐམས་ཅད་ལ་སྨན་པའི་སླད་དུ་བདག་ཅག་ཀུན་གྱིས་བསྲུང་ཞིང་རིམ་གྲོར་བགྱི། རྟག་པར་གཟུངས་སུ་གཟུང་ཞིང་མི་བསྤྱད་པར་བགྱི། ཡི་གེར་བྲི་བ་དང་། དཀླག་པ
296b2 དང་། མཆོད་པའི་ལས་རྣམས་ཀྱང་བགྱི་སྟེ། མ་འོངས་པའི་དུས་ན་སེམས་ཅན་གང་ལ་ལས་ཆོས་ཀྱི་རྣམ་གྲངས་འདི་ཐོས་ཤིང་ཁོང་དུ་ཆུད་ནས་ངན་སོང་ངན་འགྲོ་སེམས་ཅན་དམྱལ་བ་ལ་སོགས་པ
296b3 དང་སྡིག་པ་ཐམས་ཅད་ལས་ཐར་པར་འགྱུར་བར་བཅོམ་ལྡན་འདས་ཀྱིས་གསུངས་པས་ན། བདག་ཅག་རྣམས་ཀྱིས་བཅོམ་ལྡན་འདས་ཀྱིས་བཀའ་དྲིན་སྤྱི་བོས་བླང་བའི་སླད་དུ་གསང་སྔགས
296b4 ཀྱི་ཆོ་ག་འདི་དག་རིམ་གྲོར་བགྱི། བཙུན་པར་བགྱི། གུས་པར་བགྱི། རིན་པོ་ཆེའི་འདུ་ཤེས་གཞག་པར་བགྱི། རྒྱ་ཆེར་འཕེལ་བར་བགྱི། བཅོམ་ལྡན་འདས་ཀྱི་ཞལ་དང་འདྲ་བར
296b5 བལྟ་བར་བགྱི་སྟེ། ནམ་དུའང་ནུབ་པར་མི་འགྱུར་ཞིང་ཅི་ནས་ཀྱང་རྒྱས་པར་བགྱི་བའི་སླད་དུ་ནན་ཏན་བགྱི་བར་འཚལ་ལོ།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བཀའ
296b6 སྤྲུལ་པ། སྐྱེས་བུ་དམ་པ་རྣམས་དམ་ཚིག་ལ་གནས་པས་གསང་སྔགས་ཀྱི་ཆོ་ག་འདི་དག་བསྲུང་བ་དང་། རིམ་གྲོར་བྱ་བ་དང་། ཡོངས་སུ་གཟུང་བར་ཁས་བླངས་པ་ནི་ལེགས་སོ་ལེགས
296b7 སོ། ། ཤིང་ཏུའང་ལེགས་སོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཐམས་ཅད་དང་ལྡན་པའི་འཁོར་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས
iiif viewer powered by OpenSeadragon
