| e-texts navigator |
| Wylie |
513b1 པ་ཐམས་ཅད་དང་། ཡམས་ཀྱི་ནད་ཐམས་ཅད་དང་། འཐབ་པ་དང་རྩོད་པ་ཐམས་ཅད་དང་། གནོད་པ་དང་། ནད་འགྲོ་བ་དང་། འཁྲུག་པ་ཐམས་ཅད་ཀྱིས་འགལ་བར་བྱ་བ་མ་ཡིན་པའོ།།
513b2 ཀུན་དགའ་བོ་གང་ཞིག་གིས་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་ལས་འགལ་བར་བྱས་ན་ལག་ན་རྡོ་རྗེས་དེའི་མགོ་ཨརྫ་ཀའི་དོག་པ་བཞིན་དུ་ཚལ་བ་བདུན་དུ་འགེམས་པར་འགྱུར་རོ།། སངས
513b3 རྒྱས་དང་། བྱང་ཆུབ་སེམས་དཔའ་དང་། རང་སངས་རྒྱས་དང་། ཉན་ཐོས་ཐམས་ཅད་ཀྱི་གཟི་བརྗིད་ཀྱིས་དེའི་སྣང་བ་མ་རུངས་པར་འགྱུར་རོ།། སེམས་མ་རུངས་པར་འགྱུར་རོ།། འཕགས
513b4 པའི་གང་ཟག་རྣམས་བསླུས་པར་འགྱུར་རོ། ། རྒྱལ་པོ་ཆེན་པོ་བཞི་པོ་དག་གིས་ཀྱང་ཀྵུ་ར་ཞེས་བྱ་བ་ལ་ཐུག་གི་བར་གྱི་མཚོན་ཆ་རྣམས་ཀྱིས་དེ་ལ་སྡུག་བསྔལ་ཆེན་པོ་བྱེད་པར་འགྱུར་རོ།། ལྷ
513b5 རྣམས་ཀྱི་དབང་པོ་བརྒྱ་བྱིན་ཡང་སུམ་ཅུ་རྩ་གསུམ་པའི་ཚོགས་ཀྱིས་བསྐོར་ཏེ། རྡོ་རྗེས་དེའི་མགོ་འགེམས་པར་འགྱུར་རོ།། ཚངས་པའི་གཟི་བརྗིད་ཀྱིས་ཀྱང་དེའི་འབྱོར་པ་ཐལ་བར་རློག་པར་འགྱུར་རོ།།
513b6 ཀུན་དགའ་བོ་སུ་ཞིག་གིས་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བསྲུང་བ་བྱས་སམ། སྐུད་པ་བཏགས་ན་དེ་གསད་པའི་རིགས་པ་ནི་ཆང་པས་བྲལ་བར་འགྱུར་རོ།། ཆད་པས་གཅད་པའི་རིགས
513b7 པ་ནི་གཞུ་བཙེག་པས་སོ། ། གཞུ་བཙོག་པའི་རིགས་པ་ནི་སྤོ་བས་སོ།། སྨྱོ་བའི་རིགས་པ་ནི་དམ་བཅའ་བས་སོ།། དམ་བཅའ་བའི་རིགས་པ་ནི་སྤུ་ཟིང་ཞེས་བྱ་བས་སོ།། སྤུ་ཟིང་ཞེས་བྱ་བའི
iiif viewer powered by OpenSeadragon
