| e-texts navigator |
| Wylie |
493a1 དམར་པོས་བཅིངས་ནས་སྤྲ་ཚིལ་གྱི་རང་བཞིན་ཅན་གྱིས་གཟུགས་སྙིང་ཁའི་དབུས་སུ་གཙུག་ལ། སེང་ལྡེང་གི་མེ་མདག་ལ་དུས་གསུམ་དུ་བསྲེས་ན་ཀང་བས
493a2 འགུགས་པར་བྱེད་དོ། ། སྐྱེས་པ་འམ་བུད་མེད་དབང་དུ་བྱེད་ན་ཟངས་མའི་ཁབ་ཀྱིས་རྐང་པ་ཕུག་ལ་བསྲོས་པས་དབང་དུ་འགྱུར་རོ།། ཡི་གེ་ཡཾ་ལས་ཡོངས་སུ་གྱུར་པའི་རླུང་གི་དཀྱིལ
493a3 འཁོར་ཡོངས་སུ་བསམས་ལ། དེའི་སྟེང་བསྒྲུབ་པར་བྱ་བ་སྐུ་མ་བཅིངས་ཤིང་གཅེར་བུ་མགྲིན་པ་ཞགས་པས་བཅིངས་པ། སྙིང་ལ་ལྕགས་ཀྱུས་བསྣུན་པ། རླུང་གི་ཤུགས
493a4 ཅན་གྱི་རིག་སྔགས་ཀྱིས་ཐམས་ཅད་དྲངས་ཏེ་སྒྲུབ་པ་པོའི་རྐང་པར་ལྷགས་པར་བསམ་པར་བྱའོ། ། གོམས་པར་བྱས་པས་ནམ་མཁའ་ལས་འདྲེན་པར་ཡང་བསྒོམས་པ་ཙམ་གྱིས
493a5 འགྱུར་རོ། ། མར་དང་། སྦྲང་རྩི་དང་། ཀ་ར་ལྷུང་བཟེད་ཀྱི་ནང་དུ་བཅུག་སྟེ། དུས་གསུམ་དུ་མེ་ཏོག་དྲི་ཞིམ་པོ་ལ་སོགས་པས་མངོན་པར་མཆོད་ཅིང་སྔགས་བཟླས
493a6 ན་གང་འདོད་པ་དེ་དབང་དུ་འགྱུར་རོ། ། པདྨ་དཀར་པོའི་སྡོང་བུ་བྱས་ལ་བ་སེར་སྐྱའི་མར་གྱིས་སོ་མ་བཏང་བའི་ཁམ་པོར་དུ་བ་ཆགས་པ་ལ་བརྒྱ་རྩ་བརྒྱད་མངོན་པར་བསྔགས་པས་མིག
493a7 ལ་བསྐུས་ན་སྐྱེ་བོ་ཐམས་ཅད་དགའ་བར་འགྱུར་རོ། ། དུར་ཁྲོད་དུ་ཀ་པཱ་ལ་ཆེན་པོ་ལ་པདྨ་དཀར་པོའི་སྡོང་བུ་དང་སྣུམ་ཆེན་པོས་མར་ངོའི་ཚེས་བརྒྱད་དམ་བཅུ་བཞིའི་མཚན་མོ་དུ
iiif viewer powered by OpenSeadragon
