| e-texts navigator |
| Wylie |
483b1 པ་བསྐོན་ཞིང་ཙན་དན་དཀར་པོའི་ལྡེ་གུས་ཡན་ལག་བྱུགས་ལ། མེ་ཏོག་དྲི་ཞིམ་པོའི་འཕྲེང་བས་མགུལ་དུ་བཏགས་པ་གྲོང་པའི་ཆོས་ཀྱིས་མ་གོས་པ་ལ་བསྟན་ན་ཇི་ལྟར་བསམས་པའི
483b2 དགོས་པ་ཕྱིན་ཅི་མ་ལོག་པ་སྟོན་པར་འགྱུར་རོ། ། དགོངས་སྔས་དྲུང་དུ་དཀྱིལ་འཁོར་ཉེ་བར་བྱུགས་ལ་བཅོམ་ལྡན་འདས་དང་ལྷའི་བུ་དྲི་མ་མེད་པའི་ཟླ་བ་ལ་མཆོད་པ་ཆེན་པོ་བྱས་ལ།
483b3 བརྒྱ་རྩ་བརྒྱད་བཟླས་ནས་ཅང་མི་སྨྲ་བར་ཉལ་ན་དགེ་བ་དང་མི་དགེ་བ་ཇི་ལྟར་བསམས་པ་བཞིན་དུ་སྟོན་པར་འགྱུར་རོ།། རྟག་ཏུ་བཟླས་ན་འཇིག་རྟེན་གསུམ་གྱི་སྤྱོད་པ་སྟོན་པར་འགྱུར་རོ།།
483b4 ཨོཾ་ཤཱ་བ་ཎ་པི་ཤ་ཙི་ནི་མུརྟྟ་སྭཱ་ཧཱ། བ་རུ་རིའི་ཤིང་ངམ་ནྱ་གྲོ་དྷའི་ཤིང་གི་རྩ་བར་འདུག་ལ་ཅང་མི་སྨྲ་བར་འབུམ་ཕྲག་གཅིག་བཟླས་ན་འགྲུབ་པར་འགྱུར་ཏེ། འཇིག་རྟེན་གསུམ
483b5 གྱི་སྤྱོད་པའང་སྟོན་པར་བྱེད་དོ། ། ཡང་ན་ལེགས་པར་ཁྲུས་བྱས་ལ་གོས་གཙང་མ་བགོས་ཏེ་དབེན་པར་འདུག་ལ་ཁྲི་བཟླས་པས་འགྲུབ་པར་འགྱུར་རོ།། དགོངས་མོ་ཉལ་ཁར་རུ
483b6 རྟ་ལོ་བརྒྱ་རྩ་བརྒྱད་མངོན་པར་བཟླས་ནས་རྐང་པ་གཉིས་ལ་བསྐུས་ནས་ཉལ་ན་དགེ་བ་དང་མི་དགེ་བ་རྣམ་པར་སྟོན་པར་འགྱུར་རོ། ། ཨོཾ་ན་མཿསཔྟ་ནཾ་ས་མྱ་ཀ་སཾ་བུདྡྷ་ཀོ་ཊི་ནཾ།། ཏདྱ་ཐཱ།
483b7 ཨོཾ་ཙ་ལེ་ཙུ་ལེ་ཙུནྡེ་སྭཱ་ཧཱ། བིརྱ་ས་ཏྱ་འདི་ནི་བ་ར་དེ་ཀ་ཐ་ཡ་སྭཱ་ཧཱ། གོང་དུ་བཤད་པའི་ཚོགས་སམ། མེ་ལོང་ངམ། རལ་གྲིའམ། མར་མེ་འམ། ཆུ་སྣོད་ལ་སྟོན་པ
iiif viewer powered by OpenSeadragon
