| e-texts navigator |
| Wylie |
478b1 དེར་འབྲུམ་བུ་ལ་སོགས་པའི་རྣམ་པར་འཚེ་བ་ཟློག་པར་བྱེད་དོ། ། ཉ་དང་། ཤ་དང་། ཆང་དང་། འབྲས་ཆན་ལ་སོགས་པ་སྦྱིན་པར་འགྱུར་བ་ལས་གྲོང་གི་ཕྱི་རོལ་གྱི་ཆར་གཏོར་མ
478b2 ཆེན་པོ་གཏང་བར་བྱ་བ་འམ། ཡམ་ཤིང་ལྔ་དང་། འབྲུ་ལྔའི་བྱེ་བྲག་མར་ལ་བཏགས་པས་གྲོང་གི་དབུས་སུ་ཞི་བའི་ཐབ་ཁུང་དུ་བྱས་ལ་སྦྱིན་སྲེག་བྱས་ན་འདུད་དང་རྣམ་པར་འཚེ་བ་ཐམས་ཅད
478b3 རེངས་པར་བྱེད་དོ། ། གང་འགའ་ཞིག་ལ་གྲོང་ལ་སོགས་པ་འབྱིན་པར་འགྱུར་བ་ལ་བཟླས་པ་ཙམ་གྱིས་ཟློག་པར་བྱེད་དོ།། རྟག་ཏུ་བཟླས་ན་ལྷ་དང་། ལྷ་མ་ཡིན་དང་། ལྟོ་འཕྱེ་ཆེན་པོ་རྣམས
478b4 ཀྱིས་མི་མཐོང་བར་འགྱུར་རོ། ། དཔལ་རྗེ་བཙུན་སངས་རྒྱས་བཅོམ་ལྡན་འདས་མངོན་པར་བྱང་ཆུབ་པའི་དུས་སུ་འདུད་བཞི་ལས་རྒྱལ་བར་བྱ་བའི་ཕྱིར་སྔགས་ཀྱི་རྒྱལ་པོ་འདི་མཛོད་སྤུ་ལས་ཕྱུང
478b5 བའི་མཛོད་སྤུའི་ནོར་བུ་ཞེས་བྱ་བར་རབ་ཏུ་གྲགས་པ་ཡིན་ནོ། ། གཤག་མ་ལ་མངོན་པར་བསྔགས་ཏེ་གཏོར་བས་སྦྲུལ་དག་འབྱེར་བར་བྱེད་དོ།། རྩིག་ངོས་ལ་རྡོ་རྒྱུས་ལ་མངོན་པར་བསྔགས
478b6 པས་བྲིས་ན་སྦྲུལ་གྱིས་ནོན་པར་མི་འགྱུར་རོ། ། ཡང་སྔགས་རྡོ་ལེབ་ལ་གཟོང་བུས་བརྐོས་ཏེ་བྲིས་པ་སྦས་ན་རི་དགས་དང་སྦྲུལ་གདུག་པ་རྣམས་ཁྱིམ་མམ། གྲོང་ངམ། གྲོང་ཁྱེར་དུ་ཇི་སྲིད
478b7 འདོད་ཀྱི་བར་དུ་མཆེ་བ་འཆིང་བར་བྱེད་དོ། ། ཕྱུང་བས་གྲོལ་བར་འགྱུར་རོ།། སྔགས་འདི་མ་བསྒྲུབས་སུ་ཟིན་ནའང་ལས་ཐམས་ཅད་བྱེད་པར་འགྱུར་རོ།། གཤག་མ་ལ་སོགས་པ་ལ་ཡོངས་སུ
iiif viewer powered by OpenSeadragon
