| e-texts navigator |
| Wylie |
478a1 གྱོ་མོ་ལ་ལན་བདུན་བཟླས་ཏེ་ཆུར་བཅུག་ན་ཆུན་གནས་པ་རྣམས་ཁ་བཅིངས་པར་བྱེད་དོ།། དུར་ཁྲོད་ཀྱི་རས་ལ་ཕ་རོལ་གྱི་དཔུང་གི་ཚོགས་ཀྱི་གཙོ་བོའི་མིང་སྨོས་པའི་སྔགས
478a2 སྣ་ཚོགས་རྡོ་རྗེའི་དབུས་སུ་བྲིས་པ་སྣ་ཚོགས་རྡོ་རྗེའི་ཕྱི་རོལ་དུ་ཡི་གེ་ལཾ་བརྒྱད་བྲིས་ཤིང་ཕྱི་རོལ་དབང་ཆེན་གྱི་དཀྱིལ་འཁོར་དང་ལྡན་པ་བྲིས་ཏེ། ཕྱོགས་རྡོ་རྗེས་རྒྱན་པའི་སྤྲ་ཚིལ་གྱིས་ཚོགས་ཀྱི་བདག་པོའི་ཁོང་པར
478a3 བཅུག་པའི་སྔགས་ཕ་རོལ་གྱི་དཔུང་གི་ཚོགས་ཀྱི་མཚམས་སུ་བཅུག་ན་དཔུང་གི་ཚོགས་རེངས་པར་བྱེད་དོ། ། སྔགས་གཉིས་ཀྱི་ཁ་སྦྱོར་དུ་བཅུག་ལ་ཡི་གེ་བ་ཟུང་གིས་ཡོངས་སུ་བསྐོར་བའི་ཕྱི་རོལ་དུ་ཡི་གེ་ལཾ་བརྒྱད་ཀྱིས་བསྐོར
478a4 བ་དབང་ཆེན་གྱི་དཀྱིལ་འཁོར་གྱིས་རེར་པ། སྣ་ཚོགས་རྡོ་རྗེས་ཉེ་བར་མཛེས་པར་བྱས་པ། གྲོག་མཁར་གྱི་འཇི་བ་ལས་བྱས་པའི་ཚོགས་ཀྱི་བདག་པོའི་ཁོང་པར་བཅུག་ནས་དུར་ཁྲོད་ཀྱི་བུམ་པའི་ནང་དུ་བཅུག་སྟེ་དུར་ཁྲོད
478a5 དུ་སྦས་པའམ། ཕུབ་མའི་སྦྱིན་སྲེག་གིས་ཕ་རོལ་གྱི་དཔུང་གི་ཚོགས་རེངས་པར་བྱེད་དོ།། མེ་ལ་མངོན་དུ་ཕྱོགས་ཤིང་སྔགས་འདིས་མངོན་པར་བསྔགས་པའི་ཆུ་སྙིམ་པ་བདུན་རབ་ཏུ་གཏོར་ན་ཁྱིམ
478a6 གང་སྲུང་བར་འདོད་པའི་ཁྱིམ་དེ་སྲུང་བར་བྱེད་དོ། ། ཐལ་བས་སྲུང་བར་བྱེད་དོ།། ཐལ་བས་བཅིངས་པས་སྐྱུགས་པ་ལྡོག་པར་བྱེད་དོ།། མཐེའུ་ཆུང་གི་རྩེ་དམ་དུ་བཙིར་ལ་སྔགས་བརྗོད་པས
478a7 སྐྱིགས་བུ་མེད་པར་བྱེད་དོ། ། ཐལ་བ་ལ་མངོན་པར་བསྔགས་པས་མིག་རེངས་པར་བྱེད་དོ།། འབྲུམ་བུ་ལ་སོགས་པ་རྣམ་པར་འཚེ་བ་ལ་བྱང་བུ་ལ་བྲིས་ཏེ་ཁྱིམ་གང་གི་སྒོར་བཏགས་པའི་ཁྱིམ
iiif viewer powered by OpenSeadragon
