| e-texts navigator |
| Wylie |
476b1 གར་སྐད་དུ། སིདྡྷི་ཨེ་ཀལླཱི་རེ་མ་ཧཱ་ཏནྟྲ་རཱ་ཛ་ནཱ་མ། བོད་སྐད་དུ། དཔའ་བོ་གཅིག་ཏུ་གྲུབ་པ་ཞེས་བྱ་བ་རྒྱུད་ཀྱི་རྒྱལ་པོ་ཆེན་པོ་འཕགས་པ་འཇམ་དཔལ་གཞོན་ནུར་གྱུར
476b2 པ་ལ་ཕྱག་འཚལ་ལོ། ། དཔའ་བོ་གཅིག་གྲུབ་དཔའ་བོའི་གཙོ།། རབ་མཆོག་སྨྲས་པ་རྣམས་ཀྱི་མཆོག། འགྲོ་བའི་བླ་མ་འཇམ་རྡོ་རྗེས།། འཇིག་རྟེན་དོན་དུ་རྒྱུད་རབ་གསུངས།།
476b3 ལྷ་ཉིད་གསང་སྔགས་ཚུལ་གྱིས་ནི།། དངོས་གྲུབ་ཐམས་ཅད་སྩོལ་མཛད་པ།། སྔགས་པས་དེ་ཉིད་བསྒོམས་ནས་ནི།། དེ་གྲུབ་ན་ནི་དེ་གྲུབ་འགྱུར།། སྔགས་པ་ལུས་ནི་རྣམ་དག
476b4 དང་། ། གང་ཚེ་དངོས་གྲུབ་ཕྲ་མོ་གྲུབ།། སྣོད་དུ་གྱུར་པའི་ལུས་ལས་ནི།། དངོས་གྲུབ་ཆེན་པོ་རབ་ཏུ་སྐྱེས།། རིམ་པ་འདི་ཡིས་འདི་ལ་ནི།། ས་ལ་སོགས་པ་ཐོབ་པ་སྐྱེ།།
476b5 སྔགས་པ་ཡིད་བཞིན་ནོར་བུ་ལྟར།། རྟག་ཏུ་སེམས་ཅད་དོན་བྱེད་དོ།། དེ་ལྟར་མཁྱེན་ནས་ཐུགས་རྗེས་ནོན།། རྡོ་རྗེ་འཆང་སོགས་ཀྱིས་ཞུས་ཆེ།། གྲུབ་པའི་གསང་སྔགས
476b6 གསུངས་པ་ནི། ། འགྲོ་བའི་དོན་དུ་གསུངས་པ་ཡིན།། ཨོཾ་ཀ་ལེ་མུ་ལེ་ལུ་ཀཱ་ལུ་མི་ལུ་སྟམྦྷ་ཡ་སི་ལཱ་དཪྻཾ་ཏུ་ཥྚ་རཾ་ཙ་ལུཙྪ་ཨི་ལུཙྪ་ཨི་སྭཱ་ཧཱ། གསང་སྔགས་ཀྱི་རྒྱལ་པོ་འདི་ལེགས
476b7 པར་བཟླས་ན་སེར་བ་གཅོད་པར་བྱེད་དོ། ། དྲན་པ་ཉིད་དང་ཐལ་བ་ལ་མངོན་པར་བཟླས་པ་སེར་བ་འབབ་པ་གཅོད་པར་འགྱུར་ཞིང་གང་དུ་འདོད་པ་དེར་འགྲོའོ།། དེ་བཞིན་དུ་གློག་དང་།
iiif viewer powered by OpenSeadragon
