| e-texts navigator |
| Wylie |
272a1 སྐུ་བསྲུངས་བཀའ་ཉན་བཟླས་པའོ། ། ཁྱབ་འཇུག་མདུང་དང་ཚངས་པའི་གཞུ།། མར་མེ་ལྟ་བུའི་བཟླས་པའོ།། བཟླས་པའི་མཚན་མའི་རང་བཞིན་ཏེ།
272a2 རྟག་ཏུ་ལྷ་རྣམས་བུམ་པ་ཡིས།། དབང་བསྐུར་བྱེད་པ་བྱུང་བ་འམ།། ཡང་ན་ལོ་བརྒྱད་ལོན་པར་བྱུང་།། ཡང་ན་མེ་ཏོག་སྔོན་པོ་སྟེ།། མ་བྱུང་དུས་ཀྱི་བསྙེན་པ་བྱ།། དེ་ནས་བསྒྲུབ་པ
272a3 བརྩམ་པར་བྱ། ། དཀྱིལ་འཁོར་རྣམ་པ་བཞི་རུ་བཤད།། ཞི་རྒྱས་བསྡུས་དང་དྲག་པོ་སྟེ།། འདིར་ནི་དྲག་པོའི་གཙོ་བོའོ།། དཀྱིལ་འཁོར་ཉམས་སུ་བླང་བའོ།། བླ་མ་ལྔ་རུ་ཤེས་པར
272a4 བྱ། བདག་ཉིད་རྒྱན་དང་ལྡན་པ་ལ།། ཤར་གྱི་ཕྱོགས་སུ་བལྟ་བྱས་ཏེ།། ཆོ་ག་གསུམ་གྱིས་དབྱུང་བའོ།། དཔལ་བེའུ་ཞུ་བ་རྡོ་རྗེར་གྱུར།། དཀྱིལ་འཁོར་དབུས་ཀྱི་ལྟེ་བ་ལ།
272a5 བཅོམ་ལྡན་ཆོ་ག་བཞིན་དུ་བསྐྱེད།། ཡེ་ཤེས་སེམས་དཔའ་སྤྱན་དྲངས་ལ།། དཔལ་བེའུ་ཞུ་བས་ཡེ་ཤེས་སོ།། མཐའ་མ་སྐར་མ་ལྔ་བུ་ཡི།། རང་བཞིན་དཔལ་བེའུ་ཧཱུཾ་དང་ནི།
272a6 ཡེ་ཤེས་སེམས་དཔའི་ཐུགས་དཀྱིལ་ལས།། སྔགས་ཀྱི་འཁོར་ལོ་བསྐོར་བར་བྱ།། དེ་ཡི་དབུས་སུ་བསྒྲུབ་བྱ་གཞག། ཧཱུཾ་ལས་བསྐྱེད་པའི་ཕུར་བུ་ནི།། དེ་ཡི་ལྕེ་ལས་བརྟེན་པར་བྱ།།
272a7 གུ་གུལ་ནག་པོའི་སྤོས་ཀྱིས་ནི།། དེ་ཡི་སྣ་ནས་བདུག་པར་བྱ།། སྔགས་རྒྱལ་ནཱ་ག་བོར་ནས་ནི།། མཱ་ར་ཛཾ་ཧྲི་གཞུག་པར་བྱ།། དེ་ནི་རིགས་ངན་ཐོད་པར་གཞུག། མཆོད་རྟེན་འོག་ཏུ
iiif viewer powered by OpenSeadragon
