| e-texts navigator |
| Wylie |
271a1 འོད་ཟེར་སྤྲོས་ཏེ་གོས་སྔོན་བསྡུ།། དེ་ལ་མཆོད་པ་སྣ་ཚོགས་མཆོད།། བསྟོད་དང་བདུན་པོས་བྱས་ནས་ཀྱང་།། འོད་ཟེར་དག་གིས་བཀུག་བྱས་ལ།། རང་སྙིང་རྗེ
271a2 རྗེ་ཧཱུཾ་ལ་ཐིམ། ། དེ་ལ་མཆོད་བསྟོད་སྣ་ཚོགས་བྱ།། རྡོ་རྗེ་དག་ལས་ཡེ་ཤེས་དམ་པ་ཡིས།། མེ་བྱུང་བས་ནི་རྡོ་རྗེ་ཞུ་གྱུར་ནས།། འཁོར་ལོའི་རྣམ་པར་གྱུར་པར་བསམ།། སྐུ་ནི་སྐུ་ཡི
271a3 རྣམ་པ་སྟེ། ། མཚན་མ་མཚན་མའི་རྣམ་པར་རོ།། ས་དེ་བསྡུས་པ་ཀིར་ཏི་དང་།། བསྲེགས་པའི་ནང་དུ་འཁོར་ལོ་གཞུག། དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་བསྟོད་པ།
271a4 སེམས་ཅན་རྣམས་ལ་ཕན་གདགས་ཕྱིར།། སྟོན་པ་ཁྱབ་བདག་རྡོ་རྗེ་འཛིན།། གདུལ་དཀའ་ཐམས་ཅད་འདུལ་བ་ཡི།། སྲུང་བའི་འཁོར་ལོ་ངོ་མཚར་ཆེ།། འཇིག་རྟེན་གསུམ་འདུལ
271a5 བའི་རྒྱུད་ལས། ། ས་འོག་འདུལ་བ་སྟེ་ལེའུ་གཉིས་པོ།། །། དེ་ནས་མི་མཇེད་ཀྱིས་འཇིག་རྟེན་གྱི་ཁམས་ཀྱི་ཕྱག་ན་རྡོ་རྗེ་རྣམས་ཀྱིས།། བཅོམ་ལྡན་འདས་རྡོ་རྗེ་འཛིན
271a6 པ་ལ་མཆོད་པ་ཐམས་ཅད་ཀྱིས་མཆོད་ནས་ཕྱག་འཚལ་ཏེ་གསོལ་བ་བཏབ་པ། དེ་ནས་སྔགས་སྙིང་ཀུན་འདུས་པ།། སེམས་ཅན་ཀུན་ལ་ཕན་པའི་ཕྱིར།། སྟོན་པ་དཔལ་ལྡན་རྡོ་རྗེ
271a7 འཛིན། ། རིག་སྔགས་གཅོད་བྱེད་བཤད་དུ་གསོལ།། དེ་ནས་སྟོན་པ་རིག་སྔགས་གཅོད།། གསུང་ནི་འདི་སྐད་བཀའ་སྩལ་ཏོ།། དང་པོ་བསྙེན་པ་བྱ་བ་སྟེ།། མཆོད་རྟེན་སྔོན་པོ།།
iiif viewer powered by OpenSeadragon
