| e-texts navigator |
| Wylie |
270b1 སྔགས་ངེས་ཀླུ་རྣམས་སྐྲག་སྟེ་རང་རང་གྲི་གནས་སུ་འབྲོས་པར་ཆས་པ་ལས། ནཱ་གཱ་ཡ་ནཱ་ནི་ཞེས་གསུངས་པས་ལུས་མི་གཡོ་བར་གྱུར་ཏོ།། དེ་ནས་དཀོན་མཆོག་གསུམ་ལ་སྐྱབས་སུ་མཆི
270b2 སྟེ་རང་རང་གི་གནས་སུ་དོང་ངོ་། ། ཕྱི་ཡི་ཕྱག་ན་རྡོ་རྗེ་ལ།། ལྷ་སྲིན་སྔགས་ཀྱིས་བསྐོར་བར་བྱ།། གཉིས་ལ་རིགས་ཀྱི་ནག་པོས་བརྒྱན།། རྒྱན་དང་ཆ་ལུགས་ཚང་བ་ལ།།
270b3 དབུས་ནས་རིམ་པ་བཞིན་དུ་བྲི།། ཨོཾ་དང་ཧཱུཾ་མཐའ་པཱ་ཎཱིའི་སྔགས།། འཕྲེང་བ་བསྣམས་པ་བྲི་བར་བྱ།། ཨོཾ་གྱིས་རྡོ་རྗེ་ལྟེ་བར་མཚན།། ཧཱུཾ་གིས་ཤེས་རབ་ལྕེ་ལ་མཚན།
270b4 ཕྱི་ཡི་ལྕགས་རི་དག་ལ་ནི།། ཐབས་དང་ཤེས་རབ་དག་དང་བྲི།། བསྒྲུབ་བྱ་རྡོ་རྗེ་ལྟེ་བར་བཅའ།། གུར་ཀུམ་གྱིས་ནི་བྲི་བར་བྱ།། ཡང་ངོའི་ཚེས་བརྒྱད་ནས་བཟུང་སྟེ།།
270b5 བྲིས་ནས་དེ་ནུབ་ནས་བཟུང་བ།། བཅུ་བཞིའི་བར་དུ་བསྙེན་པར་བྱ།། བཅོ་ལྔའི་ནུབ་མོ་སྒྲུབ་པ་སྟེ།། དཀྱིལ་འཁོར་ཆ་ལུགས་ལྡན་པ་ལ།། ལྷ་སྣམ་སྟེང་དུ་པུས་བཙུགས་ལ།།
270b6 ཆོ་ག་བཞིན་དུ་བསྐྱེད་པར་བྱ།། འཁོར་ལོ་དག་ལ་གསང་བྱས་ལ།། འཁོར་ལོ་སྟོང་པ་ཉིད་དུ་བསྒོམ།། སྟོང་པ་ཉིད་ལས་ཧཱུཾ་བྱུང་སྟེ།། དེ་ཞུ་བ་ལས་རྡོ་རྗེ་ནི།། བཛྲ
270b7 པཱ་ཎིས་ལྟེ་བར་མཚན། ། དེ་ལས་འཕྲོ་དང་འདུས་པ་ལས།། ཕྱག་ན་རྡོ་རྗེའི་སྐུར་བསྐྱེད་ལ།། དེ་སྙིང་ཟླ་བ་རྡོ་རྗེས་མཚན།། རྡོ་རྗེ་ལྟེ་བར་ཧཱུཾ་མཚན་ལས།།
iiif viewer powered by OpenSeadragon
