| e-texts navigator |
| Wylie |
268b1 འཕགས་པ་ལག་ན་རྡོ་རྗེགས་སྔོན་པོ་ཅན་གྱི་ཆོ་ག་ཞེས་བྱ་བའི་གཟུངས་རྫོགས་སོ།། ། རྒྱ་གར་གྱི་མཁན་པོ་དྷི་པ~ཾ་ཀཱར་ཤྲཱི་ཛྙཱན་དང་། བོད་ཀྱི་ལོ་ཙ་བརྒྱ་བརྩོན་འགྲུས།
268b2 སེང་གེས་དཔལ་ན་ལེན་ཛའི་སྒོ་འགྲམ་དུ་བསྒྱུར།། རྒྱ་གར་སྐད་དུ། ཨཱརྱ་བཛྲ་པཱ་ཎི་ནཱི་ལཱཾ་བ་རེ་དྷ་ར་ཏྲི་ལོ་ཀབི་ན་ཡ་ནཱ་མ་ཏཱརྠ
268b3 བོད་སྐད་དུ། འཕགས་པ་ལག་ན་རྡོ་རྗེ་གོས་སྔོན་པོ་ཅན་ཞེས་བྱ་བ་འཇིག་རྟེན་གསུམ་འདུལ་བའི་རྒྱུད། དཀོན་མཆོག་གསུམ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ
268b4 དུས་གཅིག་ན། བཅོམ་ལྡན་འདས་རི་རབ་ཀྱི་བྱང་ཕྱོགས་ན་ལྕང་ལོ་ཅན་གྱི་པོ་བྲང་ན་བཞུགས་ཏེ། བརྗོད་ཀྱིས་མི་ལང་བའི་ལྷ་དང་། མི་དང་། ལྷ་མ་ཡིན་ལ་སོགས་པའི་འཇིག།
268b5 རྟེན་པ་དང་། བྱང་ཆུབ་སེམས་དཔའ་ལག་ན་རྡོ་རྗེ་ལ་སོགས་པ་ལ་བཀའ་སྩལ་པ། རིགས་ཀྱི་བུ་རྣམས་པ་འཇིགས་ཤིག། མ་སྐྲག་ཅིག། མ་དངངས་ཤིག་ཅེས་གསུངས་སོ།།
268b6 དེ་ནས་བཅོམ་ལྡན་འདས་འཇིག་རྟེན་གསུམ་འདུལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཐུགས་ཀའི་དཔལ་གྱི་བེའུ་ལ་འོད་ཟེར་ཁ་དོག་གསུམ་ལས་གྲུབ་པ། འོད
268b7 ཟེར་ཁ་དོག་གསུམ་པའི་འོད་ཟེར་བྱེ་བ་ཁྲག་ཁྲིག་བརྒྱ་སྟོང་དུ་མ་འཇིག་རྟེན་གསུམ་དུ་བཀྱེ་སྟེ། ཐམས་ཅད་བཀུག་ནས་སླར་ཡང་འོད་ཀྱིས་སྣང་བ་བྱས་ནས། ཨོཾ་བཛྲ་ཙརྞ་པ་ཙ་དུཥྚཱན་ཏ
iiif viewer powered by OpenSeadragon
