| e-texts navigator |
| Wylie |
266b1 དེ་ཡི་འབྲས་བུའོ། ། ཇི་ལྟར་ཤེས་ནི་འཛམ་བུ་ཀའི།། མེ་ཏོག་གིས་ནི་གཞན་དུ་སྣང་།། དེ་བཞིན་རྟོག་མེད་རིག་པ་ཡང་།། ཁྲོ་བོའི་དབང་ཕྱུག་འདིར་སྣང་ནས།། ཇི་ལྟར་འདུལ་རྒྱུར་སྤྲུལ་པ་ཡིས།
266b2 རྒྱུན་མི་འཆད་པར་ཁྲོ་བོར་སྣང་།། སྙིང་རྗེ་མེད་ན་འབྲས་བུ་ཉམས།། འགྲོ་ལ་ཕན་བཏགས་གནོད་བསལ་ན།། རང་སེམས་དག་པས་འབྲས་བུ་འགྲུབ།། རྒྱུ་དང་འབྲས་བུའི་སྒྲིབ་པ་རྣམས།། །
266b3 བྱང་ཆུབ་སེམས་ཀྱིས་རིང་དུ་སྤང་།། འདིས་ནི་འཁོར་བ་འཇིག་པར་ངེས།། བརྟན་དང་གཡོ་བའི་སྒྲིབ་པ་རྣམས།། བློ་མཉམ་དུས་ན་གཉེན་པོ་དང་།། མི་མཐུན་ནམ་མཁའ་ལྟར་ཡང་པ།།
266b4 ལྷུན་གྱིས་འགྲུབ་འབྲས་ཕྱེ་མ་ཡིན།། ཇི་སྲིད་རྟོག་པའི་དྲི་མ་ཡོད།། དེ་སྲིད་འབད་དེ་རིག་པ་བསྒོམ།། སེམས་སྦྱོང་སྔ་མ་རིག་པ་ཡིས།། རྒྱུད་ཉིད་དུ་ནི་འདོད་པ་ཡིན།། གང་ལ་སེམས
266b5 ནི་དྲི་མེད་པ། ། རྟོག་པའི་དྲི་མས་ནག་པོར་བྱས།། དེ་ལ་སྤང་བའི་བློ་མེད་པ།། རྟོག་པའི་བློ་ཅན་འཁོར་བ་ཡིན།། དེ་ཕྱིར་ཤཱཀྱའི་རིགས་ཅན་རྣམས།། ས་འོག་ཏུ་རྒྱུ་བའི་ཀླུའི་རྟོག་པ
266b6 ལ་སོགས་པ་ཚར་གཅོད་པའི་ཕྱིར་སྦྱོར་བ་རྣམས་ལ་གུས་པར་བྱའོ། ། རྡོ་རྗེ་ས་གསུམ་དུ་རྒྱུ་བ་ལས་རྟོག་པ་ལྔ་པ་རྫོགས་སོ།། །། དབང་ཕྱུག་དམ་པའི་མངའ་བདག་ཁྲི་སྲོང
266b7 སྡེ་བཙན་གྱི་བཀའ་ཁྲིམས་སུ། ། དཔལ་དཔེ་མེད་ལྷུན་གྱིས་གྲུབ་པའི་གཙུག་ལག་ཁང་དུ་རྒྱ་གར་གྱི་མཁན་པོ་ཀུ་མཱ་ར་བཛྲ་དང་། ར་བྱིད་ལོ་ཙ་བས་བསྒྱུར་བའོ།།
iiif viewer powered by OpenSeadragon
