| e-texts navigator |
| Wylie |
265b1 ལག་པ་གཡས་པས་གཟུང་། ། རིལ་བུ་རེ་དང་ལྷ་རེ་སྔགས་རེ་བཅས་ནས་སྙིང་ཁུར་གཟུང་།། རྣལ་འབྱོར་འདི་རྣམས་སྤྱད་ཅིང་འགྲོ་ལ་འཇུངས་པའི་སེམས་ལྡན་པས།། བདག་དང་གཞན
265b2 ལ་ཕན་ཕྱིར་རྟོག་པ་བཤད་པ་ཡིན། ། རྡོ་རྗེ་ས་འོག་ཏུ་རྒྱུ་བ་ལས་རྟོག་པ་བཞི་པའོ།། །། དབྱར་ཁ་སྐྱེས་པའི་རྩ་དང་ནགས་ཚལ་ལས་བྱུང་མེ་མཆེད་ལྟར།
265b3 རླུང་གི་གྲོགས་བྱས་བསྲེགས་ནས་ཐལ་བའི་ལྷག་མའང་མ་ལུས་བཞིན།། བསྐལ་པ་དཔག་མེད་སྐྱེས་པའི་རྟོག་པའི་དྲི་མའི་རྨ་རྣམས་ལ།། སྲུང་བ་དད་དང་བརྩོན་འགྲུས་སྔགས་བཟླས
265b4 སེམས་དག་མེ་ཡིས་སྲེག། ཉི་མའི་སྙིང་པོ་འཛམ་གླིང་དབུས་སུ་རིགས་བཟུང་སྟེ།། སྐྱེས་དང་བུད་མེད་དབང་པོ་སྐྱོན་མེད་ཚུལ་ཁྲིམས་ཅན།། སྐྱེ་བ་སྔ་མའི་ལམ་ཤུགས་དག་དང་བླ
265b5 མའི་ལུང་ཐོབ་པ། ། དད་དང་སྙིང་རྗེའི་སེམས་ཅན་གཏོང་བའི་ཅན་བློ་དེས།། རིག་པའི་ཁྲོ་བོ་བསྒོམ་དང་དེ་རྗེས་དེ་ནི་བཟླས་འབད་ན།། བསྟོད་དང་མཆོད་མཉེས་བྲན་གཡོག་ལྷ་མིན
265b6 གསང་བ་བརྙས་མེད་ཅིང་། ། ཆུ་ཡི་མཆོད་སྦྱིན་འཁོར་ལོ་གཏོར་མ་ལ་བརྩོན་ཞིང་།། སྦྱིན་སྲེག་རྣམས་ཀྱིས་ལྷ་དང་བྲན་གཡོག་མཉེས་བྱས་ན།། རིང་པོར་མི་ཐོགས་སྒྲུབ་པ་པོས་དེས
265b7 རྟགས་དང་ཕྱག་རྒྱ་འབྱིན་པར་འགྱུར། ། འདིར་ནི་མང་དུ་སྨྲས་མི་དགོས།། སྔར་ནི་རྡོ་རྗེས་འོག་ཏུ།། བཤད་པའི་མཚན་མ་སྟེར་བར་འགྱུར།། ཟངས་ལྕགས་བླ་མའི་གནང་བྱའོ།།
iiif viewer powered by OpenSeadragon
