| e-texts navigator |
| Wylie |
265a1 བཤད།། ཀུན་ཀྱང་གཏེར་རྣམས་མནན་པ་ལ།། རིན་ཆེན་འབར་བས་ཁྱིམ་འགེངས་པ།། སྦྱོར་གང་རྡོ་རྗེ་ཆུས་འགྲུབ་འགྱུར།། པདྨ་ཟླ་དང་གཏེར་ཆེན་ལ།། ཛཱ་ལས
265a2 བྱུང་བའི་གནོད་སྦྱིན་དགུ། ། བཀུག་ལ་རང་རང་གསང་སྔགས་ཀྱིས།། ཆུ་དང་བཅས་པའི་མཆོད་སྦྱིན་དབུལ།། འདི་ནི་སྔགས་ཀྱི་རྐང་པ་རྣམས་སོ།། ཨོཾ་བཻ་ཤྲ་བ་ཎཱ་ཡ་སྭཱ་ཧཱ། ཨོཾ་ཛམྦྷ
265a3 ལཱ་ཡ་སྭཱ་ཧཱ། ཨོཾ་པུརྞ་བྷ་དྲཱ་ཡ་སྭཱཧཱ། ཨོཾ་མ་ཎི་བྷ་དྲཱ་ཡ་སཱཧཱ། ཨོཾ་ཀུ་བེ་རཱ་ཡ་སཱ་ཧཱ། ཨོཾ་སཾ་པྲ་ཛྙཱ་ནཱ་ཡ་སྭཱཧཱ། ཨོཾ་གུ་ཧྱ་དྷ་ནཱ་ཡ་སྭཱཧཱ། ཨོཾ་པཉྩི་ཀཱ་ཡ་སཱཿ། ཨོཾ་བིཙི
265a4 ཀུཎྜ་ལཱ་ཡ་སྭཱ་ཧཱ། དེ་ནས་ཡང་དག་སྤྱོད་པའི་མཆོག། ལྷ་ཡི་བརྟུལ་ཞུགས་དག་པ་བཤད།། ཀུན་ཏུ་རས་གཙང་གོས་སྔོན་བྱིན་གྱིས་བརླབ་བྱ་ཞིང་།། བྲམ་ཟེའི་རིགས་ལྟར་དྲི་ཅན་ཟས
265a5 དང་འགྲོ་མགྱོགས་ཤ་ལས་རིང་དུ་འདུག། སྨྱུང་བར་གནས་ཤིང་ཆུས་བཀྲུས་དཀར་གསུམ་གཙང་མའི་ཟས་ཟ་ཞིང་།། ངག་གི་རླུང་བསྡམས་དང་དང་སྙིང་རྗེས་ཡིད་བརླན་བརྩོན་པར
265a6 འཇུག། བསམ་གཏན་ཁང་པ་མདོག་ནི་སྔོ་བསྒྱུར་བ་ཡི་ལྕི་བ་དྲི་ཞིམ་ཆུ་ཡིས་བྱུགས།། དཀར་དང་སྔོ་བའི་མེ་ཏོག་བཀྲམ་ལ་སྐུ་གདུང་བླ་མ་མདུན་བཞག་ལ།། ཆོ་རིགས་བཙུན་པའི་སྒྲུབ
265a7 པ་པོས་ནི་གོས་དཀར་བགོས་ལ་ཀུ་ཤའི་སྟན་ལ་འདུག། སྙིང་རྗེས་ཁྲོས་པའི་རིག་སྔགས་དམ་པ་མཛེས་པར་བཟླས་པ་བྱ།། རུ་རག་ཤ་ཡི་བགྲང་འཕྲེང་བརྒྱ་ཕྱེད་བྱིན་གྱིས་བརླབས་ལ
iiif viewer powered by OpenSeadragon
