| e-texts navigator |
| Wylie |
262a1 མྱོས་གསད་དང་། ། ཆོ་གས་གདུག་པ་དབང་བྱས་ལ།། སྲེག་པ་ལ་སོགས་ལས་བྱའོ།། བརྒྱད་དང་བཅུ་བཞིའི་དུས་ཀྱི་ཚེ།། སྐྱ་རེངས་ཤར་དང་དམར་རེངས་ཆ།
262a2 ཉིན་མཚན་ཟད་པའི་དུས་ཀྱི་ཚེ།། སྐྲ་བཀྲོལ་བཅུད་འཛག་གཅེར་བུ་ནི།། བྱོལ་སོང་གནས་སུ་ཁྲག་སྐྱུག་གོ། ལུས་དབུས་མེ་འབར་བསྒྲུབ་བྱ་དེ།། ཁྲོ་བོའི་སྤུ་ཡི་བུ་ག་ལས།། སྤྲོས
262a3 པའི་ཁྲོ་བོ་ཁྲོས་པ་དང་། ། མངག་གཞུག་རྣམས་ཀྱིས་དྲངས་བྱས་ནས།། རྟོག་པས་རྟོག་པ་བཟའ་བར་བྱ།། སྔར་ནི་རྡོ་རྗེ་ས་འོག་ལས།། གདུག་པ་བཟའ་བར་བྱས་ཚུལ་དུ།། གདུག་པ་འདིར་ནི
262a4 བཟའ་བར་བྱ། ། མང་དུ་སྨྲས་པས་ཅི་ཞིག་དགོས།། མ་བཅོས་པ་ཡི་སེམས་ཅན་ལ།། སྙིང་རྗེའི་ཡིད་ཅན་རྡོ་རྗེ་སེམས།། ཏིལ་སོགས་རྫས་དང་སྔགས་སྦྱོར་གྱིས།། སྡིག་པ་ཞི་བྱེད་སྦྱིན་སྲེག
262a5 བྱ། ། རིག་པའི་བློ་ཅན་ཀུན་བཟང་གིས།། ཞོ་ལ་བསྲེག་བྱ་རྒྱས་པའོ།། མི་རྟག་གྱུར་པའི་གདུལ་བ་ལ།། འདོད་ཆགས་ཡིད་ཅན་བདེ་ཆེན་གྱིས།། བདག་ཉིད་དགོས་པ་བརྟན་བྱའི་ཕྱིར།།
262a6 ཨུཏྤལ་དམར་སོགས་ཀྱིས་སྒྲུབ་པའོ།། འདིར་ནི་མ་རུང་སྡིག་པ་བྱེད།། གཙོར་ནི་སྦྱངས་ཕྱིར་ཁྲོ་སེམས་ཀྱིས།། མངོན་སྤྱོད་ལས་ནི་རྒྱུད་ཀུན་ལས།། བཤད་པ་ཐམས་ཅད་འདིར་བྱའོ།།
262a7 རིག་སྔགས་སྙིང་རྗེའི་ཤུགས་ཀྱིས་འགྲོ།། ལས་ངན་རྒྱུན་གཅོད་བཅོས་མ་ཡིན།། ལས་ངན་དག་པའི་རང་བཞིན་དུ།། ཁྲོས་པས་དམིགས་པར་མི་འགྱུར་ཏེ།། སྦྱོར་བ་རྣམས་ནི་བཅོས
iiif viewer powered by OpenSeadragon
