| e-texts navigator |
| Wylie |
261b1 ཉིད་སྙོམས་འཇུག་པ། ། དེ་ཡི་སྙིང་ཁར་ཉི་མ་ལ།། རང་གི་ཆོས་ཀྱི་ཡི་གེ་ལས།། ཁྲོས་པས་ཡང་ཡང་སྤྲོས་མཛད་ཅིང་།། དེ་དང་ལྷན་ཅིག་བསྒོ་བར་བྱ།། སྔགས་དང་ཕྱག་རྒྱ་བཅས་པ
261b2 ཡིས། ། དེ་བཞིན་དུ་ཡང་དབང་བླང་ཞིང་།། རྡོ་རྗེ་ཧཱུཾ་མཛད་ཏིང་འཛིན་གནས།། གདུག་པའི་སེམས་ཅན་འཛིན་བྱེད་ཅིང་།། འོད་ཟེར་འབྱུང་བ་སྣ་ཚོགས་ཀྱིས།། རིམས་དང་གདོན
261b3 དང་དུག་སོགས་གཟའ། ། རྡོ་རྗེ་ས་འོག་ཏུ་རྒྱུ་བ་ལས་རྟོག་པ་དང་པོའོ།། །། དེ་ནས་སྤྱན་སོགས་སྐྱེ་མཆེད་ལ།། ཧཱུཾ་བྱུང་ཁྲོ་བོ་བསྒོམ་པར་བྱ།། སྐུ་སོགས་གསུམ་ལ
261b4 རྡོ་རྗེ་གསུམ། ། སྒོམ་པ་འདི་ནི་དབང་བྱེད་པའོ།། དང་པོ་ཞི་བས་ཞི་བར་བྱ།། ཀླུ་ལ་སོགས་པའི་གཟུགས་བྱས་ལ།། རང་སྙིང་འོད་ཀྱིས་བཀུག་ལ་བསྟིམ།། མཆོད་སྦྱིན་བྱ་བ་སྙིང་རྗེས
261b5 སྦྱིན། ། འཇོག་པོ་དང་ནི་རིག་ལྡན་དང་།། མཐའ་ཡས་ནོར་རྒྱས་པདྨ་དང་།། པད་ཆེན་དུང་སྐྱོང་སྟོབས་ཀྱི་རྒྱུ།། དུག་རྣམས་སྙིང་རྗེའི་སྦྱོར་བས་སྦྱངས།། ནག་པོ་དཀར་པོ་སྔོན་པོ་དང་།།
261b6 རང་གི་གནས་སུ་སྦྱང་བར་བྱ།། ཡང་ན་ཞི་བའི་ཐབ་ཁུང་དུ།། ཀླུ་ཡི་སྡིག་པ་ཞི་བར་བྱ།། ཤིན་ཏུ་གནག་པའི་རིགས་དེ་ལ།། མངར་གསུམ་ཆུ་ཡིས་གསོ་བར་བྱ།། གང་ཞིག་སྡིག་ཅན་ཞི
261b7 མི་འདུལ། ། གཉིས་ཀྱི་སྦྱོར་བས་རྒྱུན་གཅོད་བྱ།། ཁྲག་དང་དུག་སོགས་རྫས་དག་ལ།། རིག་པ་བཟློག་པས་བསྒྲུབས་ནས་ནི།། ཤིན་ཏུ་ཁྲོས་པའི་ཁྲོ་བོ་ཡིས།། དགུག་དང་གཞུག་དང
iiif viewer powered by OpenSeadragon
