| e-texts navigator |
| Wylie |
261a1 སྙིང་ཁར་སྦྱོར་བ་རིམ་བཞིན་སྒྲུབ།། ལུས་རྩ་སྙིང་རྗེར་ལྡན་པ་ཡིས།། རང་ལུས་ལྷ་དང་བླ་མ་ལ།། ཕྱག་སོགས་བྱ་བ་སྔོན་འགྲོ་བས།། རིག་པའི་ཁྲོ་བོ་བསྒོམ་པར
261a2 བྱ། ། དང་པོར་སྟོང་ཉིད་རྣམ་བསམས་ལ།། ལུས་ཅན་རྣམས་ཀྱི་དྲི་མ་བཀྲུ།། རང་གི་སྙིང་ཁར་དབྱངས་ཡིག་ནི།། དང་པོ་ལས་བྱུང་ཟླ་བ་ལ།། ཧཱུཾ་ཡིག་སྔོན་པོ་རྣམ་པར་བསྒོམ།།
261a3 རང་གི་འདུས་འདྲའི་འོད་འཕྲོས་ནས།། སེམས་ཅན་དྲི་མ་རྣམས་བསལ་ཏེ།། སྐུར་གྱུར་སྙིང་པོ་བསྡུ་བར་བྱ།། ཧཱུཾ་ཡང་རྡོ་རྗེ་སྔོན་པོར་འགྱུར།། སྔོན་བཞིན་སྤྲོ་དང་བསྡུ་བྱས་ལ།།
261a4 སྐུ་མདོག་སྔོན་པོ་ཆེར་འབར་བ།། རབ་ཏུ་དྲེགས་པས་ཁྲོས་པའོ།། རི་བོང་འཛིན་པའི་སྟེང་དུ་ནི།། བདེ་བར་གཡོན་བརྐྱང་གར་གྱིས་བཞུགས།། བརྒྱད་གཉིས་ལོན་པའི་ཉམས་ཚུལ
261a5 ཅན། དྲག་ཅིང་ཁྲོས་པའི་རོ་དང་ལྡན།། བྲང་འགྲོ་བརྒྱད་པོས་སྐུ་ལ་བརྒྱན།། གཞལ་གཅིག་པ་ལ་ཕྱག་གཉིས་པ།། རང་གིས་རྡོ་རྗེ་བསྣམས་པ་ནི།། བསྣུན་པའི་ཚུལ་དུ་འཛིན་པ་དང་།།
261a6 གཡོན་པ་བསྡིགས་པའི་མཛུབ་མོ་ཅན།། ན་བཟའ་སྔོན་པོའི་ཤམ་ཐབས་འཛིན།། སྤྱན་མིག་དམར་ཞིང་མཆེ་བ་གཙིགས།། དབུ་སྐྲ་ཉི་མའི་འོད་འདྲ་པ།། སྟེང་དུ་བཅིངས་དབུས་ཅོད
261a7 པན་ལྡན། ། ཞལ་ནས་ཧ་ཧིའི་གད་རྒྱངས་ལྡན།། ཁྲོ་བོའི་བདག་པོ་འཇིགས་པར་བྱེད།། ལོག་འཛིན་ལ་སོགས་འཇོམས་མཛད་པ།། དེ་འདྲར་བདག་ཉིད་རབ་བསྒོམས་ལ།། དེ་ནས་བདག
iiif viewer powered by OpenSeadragon
