| e-texts navigator |
| Wylie |
260b1 པོའི་གསུམ་པ་བླངས་བྱས་ལ། ། འོག་ཏུ་དབྱངས་ཀྱི་གཉིས་པས་བརྒྱན།། དེ་ལ་ཟླ་ཕྱེད་དང་ཐིག་ལེ།། ལྔ་པའི་བཞི་པ་ཉིད་དང་ནི།། དྲུག་པའི་གཉིས་པ་ཉིད་དང་ཡང་།། བཞི
260b2 པའི་བཞི་པ་ཡང་དེ་བཞིན། ། ཡང་ནི་མེ་ཡི་ས་བོན་དང་།། ལྔ་པ་ཡི་ནི་གསུམ་པ་དང་།། གཉིས་པ་ཡི་ནི་གསུམ་པ་ཡི།། འོག་ཏུ་མེ་ཡི་ས་བོན་ནོ།། ལྔ་པའི་དང་པོ་ཉིད་དང
260b3 ཡང་། ། གསུམ་པའི་སྡེ་པ་ལྔ་པ་ལ།། དབྱངས་ཡིག་གསུམ་པས་བརྒྱན་པ་དང་།། དེ་ནས་རྡོ་རྗེ་སེམས་དཔའ་དང་།། ལག་ན་རྡོ་རྗེའི་སྙིང་པོའོ།། ལྔ་པ་ཡི་ནི་གཉིས་པ་ལ
260b4 གསུམ་པའི་དང་པོ་མཐར་གཞག་པ། ། འདི་རྣམས་རིགས་སྔགས་དབང་བྱེད་པ།། གྲངྒཱ་ཀླུང་བཅུའི་བྱེ་སྙེད་ཀྱི།། སངས་རྒྱས་ཁྲོ་བོ་བྱང་ཆུབ་སེམས།། འབྱུང་པོར་བཅས་པ
260b5 འགུགས་མཛད་དོ། ། རིག་སྔགས་རྣམས་ནི་ལྷ་ཉིད་དེ།། སྟོང་དང་སྙིང་རྗེ་འདྲེས་པ་ཡི།། ལྷ་འདི་སྙིང་ཁའི་སྦྱོར་བ་རུ།། ལེགས་པར་བཞག་པ་བསམ་པར་བྱ།། ལུགས་སུ
260b6 བྱུང་དང་བཟློག་པ་ཡི། ། སྔགས་འདི་བཟླས་དང་བྲི་བར་བྱ།། ཨོཾ་ནཱི་ལཱཾ་བ་ར་དྷ་ར་བཛྲ་པཱ་ཎི་ཧཱུཾ་ཕཊ། རིག་སྔགས་འབུམ་ཕྲག་བཟླས་པ་དང་།། ཡི་གེ་རེ་ལ་འབུམ་ཕྲག་དང་།
260b7 དེ་ལས་ལྷག་པའི་སྦྱོར་བ་ཡིས།། སྒྲུབ་པ་པོ་ཡི་བསམ་པ་ནི།། ཞི་དང་རྒྱས་དང་དབང་དགུག་དང་།། བསྐྲད་དང་དབྱེ་རེངས་གསད་པ་དང་།། ལས་ནི་གང་གང་འདོད་པ་དེས།།
iiif viewer powered by OpenSeadragon
