| e-texts navigator |
| Wylie |
33b1 ཡིན་དང་། ། མ་གསོད་པ་ཡི་འགྲོ་བ་གང་།། འགྲོ་བ་དེར་ནི་འགྲོ་བར་འགྱུར།། རྟག་ཏུ་དམ་པ་བསྟེན་པར་བྱ།། དམ་པ་མིན་པ་ཡོངས་སུ་སྤང་།། གཞན་ལ་དེ་ཉིད་བསྟན་མི་བྱ།། རྟག་ཏུ་མིང་པོ་གསུམ
33b2 པོ་སྒྲུབ། འདི་ནི་དམ་ཚིག་གོ།། དེ་ནས་གླུ་དང་། གར་དང་། རོལ་མོ་དང་། དགོད་པ་དང་། དགའ་བ་དང་། ཟ་བ་དང་། མགུ་བས་མེལ་རྩེ་བྱའོ།། ཕྱག་རྒྱ་དང་གར་གྱི་རོལ་མོའི་མཆོད་པའང་བྱས
33b3 ལ། སློབ་དཔོན་གྱིས་ཀྱང་ཕྱག་རྒྱ་དེ་དང་བཅས་པས་བྱུང་བ་དང་། འབྱུང་བར་འགྱུར་བའི་ཡེ་ཤེས་བརྗོད་པར་བྱའོ།། དེ་ནས་བརྩམས་ཏེ་དངོས་གྲུབ་ཐམས་ཅད་དང་། ཕུན་སུམ་ཚོགས་པ་ཐམས་ཅད
33b4 དང་། འབྱོར་པ་ཐམས་ཅད་འགྲུབ་པར་འགྱུར་རོ།། དམ་ཚིག་གི་དཀྱིལ་འཁོར་རོ།། དེ་ནས་སྲིང་མོ་བཞིས་བཅོམ་ལྡན་འདས་ལ་ཕྱག་འཚལ་ཏེ། རང་གི་དེ་ཁོ་ན་ཉིད་ཀྱི་སྙིང་པོ་འདི་ཕུལ་ལོ།། ཧཱུཾ།
33b5 དེ་ནས་འདིའི་དཀྱིལ་འཁོར་བཤད་པར་བྱ་སྟེ། དཀྱིལ་འཁོར་ཀུན་ནས་ཟླུམ་པོར་ཐིག་བཏབ་ལ། ཐིག་བཞི་ལ་འཁོར་ལོ་བཞི་པ་བྱས་ལ། དཀྱིལ་འཁོར་དེ་རྣམས་སུ་སྒོ་བཞིར་ལྟ་བའི་ལྷ་མོ་བཞིའི
33b6 གཟུགས་བརྙན་གཞག་པར་བྱ་སྟེ། འདི་ལྟ་སྟེ། དགའ་བ་མོ་ནི་ཤར་དུ་ལྟེ་བ། མདའ་དང་གཞུ་ཐོགས་པ་ལ་བརྩོན་པ། སྒེག་མ་མདོག་དམར་བའོ།། གསོད་མ་ལྷོ་ཕྱོགས་སུ་ལྟ་བ། ལག་ན་གྲི་དང
33b7 ཕུབ་ཐོགས་པ། མདོག་ནག་པོའོ།། ཕག་མོ་ནུབ་ཏུ་ལྷ་བ། ལག་ན་གསེར་གྱི་གཏེར་ཐོགས་པ། གསེར་གྱི་མདོག་ཅན་ནོ།། གྲུབ་པ་མོ་ཞི་བ་མོ་ཞེས་བྱ་བ་བྱང་དུ་ལྦ་བ། ལག་ན་གྲི་དང་ཤ
iiif viewer powered by OpenSeadragon
