| e-texts navigator |
| Wylie |
31b1 སྙིང་པོ་བཟླས་པར་བྱའོ། ། དེ་ནས་སློབ་མ་དེ་བཞིན་དུ་བཅུག་ལ་ལག་པར་མདུང་རྩེ་གསུམ་པ་བྱིན་ལ་ཆོས་བཤད་པར་བྱའོ།། སེམས་ཅན་ཀུན་ལ་ཕན་ཕྱིར་དང་།། བསྐུར་བ་ཐམས་ཅད་སྲུང་ཕྱིར་དང་།
31b2 འདོད་ཀུན་བདག་པོ་ཉིད་ཕྱིར་དང་།། དྲག་པོའི་ལས་ལ་གནས་པར་གྱིས།། དེ་ནས་ཕྱག་རྒྱའི་ཡེ་ཤེས་བསླབས་ཏེ་གཏོར་མ་སྦྱིན་པར་བྱའོ།། དེ་ནས་བརྩམས་ཏེ་འཇིགས་པ་མེད་པར་དངོས་གྲུབ
31b3 ཐམས་ཅད་དང་། ཕུན་སུམ་ཚོགས་པ་ཐམས་ཅད་ཀྱིས་བདེ་བ་དང་། ཡིད་བདེ་བ་དང་། ཐམས་ཅད་རྗེས་སུ་མྱོང་ནས་དྲག་པོའི་འཇིག་རྟེན་དུ་མཆོད་པར་འགྱུར་རོ།། དཀྱིལ་འཁོར་ཆེན་པོ་ཞི
31b4 བའི་མདུང་ཐུང་གི་མཚན་མ་ཞེས་བྱ་བའོ། ། དེ་ནས་མ་མོ་ཐམས་ཅད་ཀྱིས་བཅོམ་ལྡན་འདས་ལ་ཕྱག་འཚལ་ཏེ། དང་པོ་མགྲིན་གཅིག་ཏུ་ཐམས་ཅད་དགུག་པ་དང་། གཞུག་པ་དང་། གསད་པ་དང་།
31b5 སྒྲུབ་པའི་དམ་ཚིག་ཅེས་བྱ་བ་རང་གི་དེ་ཁོ་ནའི་སྙིང་པོ་འདི་ཕུལ་ལོ།། བྷྱོ། དེ་ནས་འདིའི་དཀྱིལ་འཁོར་བཤད་པར་བྱའོ།། ཟུར་བཞི་པ་བྱང་གི་སྒོ་ཅན་གྱི་དཀྱིལ་འཁོར་ཐིག་བཏབ་ལ། དབུས་སུ
31b6 ནག་པོ་གར་བྱེད་བཞིན་པ་གཞག་པར་བྱའོ། ། དེའི་ཕྱོགས་དང་མཚམས་ཐམས་ཅད་དུ་མ་མོ་བརྒྱད་བྲི་བར་བྱའོ།། འདི་ལྟ་སྟེ། དྲག་མོ་དང་། ཚངས་པ་མོ་དང་། ཁྱབ་འཇུག་མོ་དང་། གཞོན
31b7 ནུ་མོ་དང་། ནག་མོ་དང་། ནག་མོ་ཆེན་མོ་དང་། ཟབ་མོ་དང་། སྲིན་མོའོ།། དཀྱིལ་འཁོར་གྱི་ཕྱིའི་མཚམས་རྣམས་སུ་ནི་དྲག་པོའི་མཁའ་འགྲོ་མ་བཞི་བྲི་བར་བྱ་སྟེ། ཞི་བ་མོ་དང་། བེ་རུཎྜ་དང་།
iiif viewer powered by OpenSeadragon
