| e-texts navigator |
| Wylie |
29b1 པར་བྱའོ། ། དེ་ནས་མཆོད་པ་ལ་དེ་བཞིན་དུ་ཡང་དག་པར་ཚིམ་པར་བྱས་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་འདི་ལན་ཅིག་བརྗོད་ལ་སླར་དབྱུང་བར་བྱའོ།། དེ་བཞིན་དུ་ཕྱག་རྒྱ་བཅིང་བ
29b2 ལ་སོགས་པ་ཆོ་ག་རྒྱས་པ་ནི་དང་པོ་ལ་སོགས་པའི་དཀྱིལ་འཁོར་ཐམས་ཅད་དུ་བྱའོ། ། ཕྱག་ན་རྡོ་རྗེའི་དཀྱིལ་འཁོར་རོ།། སྒྲུབ་པ་དང་དངོས་གྲུབ་རྣམས་ཀྱང་དེ་བཞིན་ཏེ། མ་བསྒྲུབས་པར་ཡང
29b3 དང་པོ་ཇི་ལྟ་བ་བཞིན་ནོ། ། གདུག་པ་ཐམས་ཅད་འདུལ་བ་ལ་ནི་རྡོ་རྗེ་མཆེ་བའི་ཕྱག་རྒྱས་སོ།། སེམས་ཅན་ཐམས་ཅད་འདུལ་བ་ལ་ནི་ཁྲོ་བས་ཧ་ཧ་ཞེས་དགོད་ཅིང་ཟློས་པས་སོ།། ཉན་ཐོས་དང
29b4 རང་སངས་རྒྱས་ཀྱི་འདོད་ཆགས་དང་བྲལ་བ་ལས་ལྷུང་བར་བྱ་བ་ལ་ནི་ཆོས་གོས་དང་སྣམ་སྦྱར་གྱི་སྦྱིན་སྲེག་གིས་སོ། ། དབང་བསྐུར་བ་ཐམས་ཅད་དབྲོག་པ་ལ་ནི་ཁམས་ཐམས་ཅད་ཀྱི་ཕྱེ་མའི་སྦྱིན་སྲེག
29b5 གིས་སོ། ། ཐམས་ཅད་རྒྱུས་གདབ་པ་ལ་ནི་རྡོ་རྗེ་ཁུ་ཚུར་གྱི་ཕྱག་རྒྱས་སོ།། ཐམས་ཅད་གཅད་པ་ལ་ནི་གཟུགས་བརྙན་བྱས་ནས་གཏུབས་པས་སོ།། མ་རུངས་པ་ཐམས་ཅད་ཀྱི་དཀྱིལ་འཁོར
29b6 རྣམ་པར་གཞིག་པ་ལ་ནི་རྡོ་རྗེ་གཟུང་ནས་འཇུག་པར་བྱའོ། ། མཆོད་པ་ཐམས་ཅད་རྣམ་པར་གཞིག་པ་ལ་ནི་ཁྲོས་ནས་བཟླས་བརྗོད་བྱའོ།། ཐམས་ཅད་སྐྲག་པར་བྱ་བ་ལ་ནི་འཇིགས་བྱེད་ཀྱི་ལྷ
29b7 བས་བལྟ་བར་བྱའོ། ། བདེ་བ་ཆེན་པོ་རྡོ་རྗེ་དོན་ཡོད་པའི་དམ་ཚིག་གི་རྟོག་པའི་རྒྱལ་པོ་ཆེན་པོ་ལས། རྡོ་རྗེ་དམ་ཚིག་ཅེས་བྱ་བའི་རྟོག་པའི་རྒྱལ་པོ་ཆེན་པོ་རྫོགས་སོ།།
iiif viewer powered by OpenSeadragon
