| e-texts navigator |
| Wylie |
28a1 དེ་བཞིན་དུ་རྡོ་རྗེ་ཐམས་ཅད་ཀྱིས་མཆོད་པ་ཐམས་ཅད་འཐོབ་པར་འགྱུར་རོ། ། ཞུགས་ནས་སྣ་ཚོགས་རྡོ་རྗེ་བླངས་ལ། སྣ་ཚོགས་རྡོ་རྗེའི་མིང་གི་དབང་བསྐུར་བས་དབང་བསྐུར་ནས
28a2 མཆོད་པ་རྣམ་པ་བཞི་བྱ་སྟེ། འདི་ལྷ་སྟེ། ལུས་ཀྱི་ལས་ཐམས་ཅད་དང་། ཕྱག་བྱ་བ་དང་། ངག་དང་། ཡིད་དང་། སེམས་ཀྱི་ཆོས་ཀྱི་དབྱིངས་སུ་སྤྲོས་པས་མཆོད་པའི་ཆོ་ག་རྒྱས་པ་ཐམས་ཅད་ཀྱིས
28a3 མཆོད་པར་བྱ་ཞིང་། རྡོ་རྗེ་དང་ཕྱག་རྒྱས་མཆོད་པ་གཅིག་ཏུ་བྱས་པའོ།། སློབ་མ་རྣམས་ཀྱི་གཞུག་པའི་ལས་ཀྱང་དེ་བཞིན་ནོ།། ལས་ཀྱི་དཀྱིལ་འཁོར་རོ།། དེ་ནས་སྒྲུབ་པ་དང་དངོས་གྲུབ་དག་ཀྱང
28a4 དེ་བཞིན་ནོ། ། དེ་ནས་མ་བསྒྲུབས་པར་ཡང་བྱང་ཆུབ་ཀྱི་སེམས་ཀྱི་མཆོད་པ་ལ་ནི་རང་གི་སྙིང་ཁར་རྡོ་རྗེ་བསྒོམས་པས་སོ།། ཏིང་ངེ་འཛིན་གྱི་མཆོད་པ་ལ་ནི་ཐམས་ཅད་དག་པར་བསྒོམས་པས་སོ།།
28a5 དབང་བསྐུར་བའི་མཆོད་པ་ལ་ནི་རྡོ་རྗེ་དབང་བསྐུར་བ་སྣ་ཚོགས་ཀྱིས་སོ།། ཕྱག་རྒྱའི་མཆོད་པ་ལ་ནི་རྡོ་རྗེ་ཐམས་ཅད་ཀྱི་སྣ་ཚོགས་ཀྱིས་སོ།། སྟོང་པ་ཉིད་ཀྱི་མཆོད་པ་ལ་ནི་ཨ་ལ་སོགས་པའི་ཡི་གེ
28a6 ལུང་བསྟན་པས་སོ། ། དཀྱིལ་འཁོར་གྱི་མཆོད་པ་ལ་ནི་འཁོར་ལོ་སྣ་ཚོགས་ཀྱིས་སོ།། མཆོད་པ་ཐམས་ཅད་ལ་ནི་སྣ་ཚོགས་རྡོ་རྗེས་སོ།། གདུག་པ་འདུལ་བའི་མཆོད་པ་ལ་ནི་ཁྲོ་བོས་སོ།། མེཏོག
28a7 ལ་སོགས་པ་དོར་བ་ལ་ནི་བཟླས་པས་སོ། ། བདེ་བ་ཆེན་པོ་རྡོ་རྗེ་དོན་ཡོད་པའི་དམ་ཚིག་གི་རྟོག་པའི་རྒྱལ་པོ་ཆེན་པོ་ལས། སྣ་ཚོགས་རྡོ་རྗེ་དོན་ཡོད་པའི་དམ་ཚིག་ཅེས་བྱ་བའི་རྟོག་པའི་རྒྱལ་པོ་ཆེན
iiif viewer powered by OpenSeadragon
