| e-texts navigator |
| Wylie |
26b1 རགས་ཀྱི་དཀྱིལ་འཁོར་བཞི་བྲི་བར་བྱའོ། ། སྒོ་རྣམས་སུ་མཚན་མ་བཞི་གཞག་པར་བྱ་སྟེ། འདི་ལྟ་སྟེ། རྡོ་རྗེ་སེམས་དཔའི་སྐུ་དང་། རྡོ་རྗེ་ཁྲོ་བོའི་སྐུ་དང་། སྤྱན་རས་གཟིགས་དབང་ཕྱུག་གི།
26b2 སྐུ་དང་། ནམ་མཁའི་སྙིང་པོའི་སྐུ་རྣམས་སོ།། དེ་ནས་རྡོ་རྗེ་འཁོར་ལོའི་ཕྱག་རྒྱས་ཇི་ལྟ་བ་བཞིན་དུ་དཀྱིལ་འཁོར་ཐམས་ཅད་དུ་སངས་རྒྱས་ཉིད་དང་། རྡོ་རྗེ་འཛིན་པ་ཉིད་འགྲུབ་པར་འགྱུར་རོ།།
26b3 དེ་ནས་འཁོར་ལོ་བླངས་ལ་འཁོར་ལོའི་མིང་གིས་དབང་བསྐུར་བ་ནི་གསང་བའི་དཀྱིལ་འཁོར་བཞི་ཐིག་བཏབ་པའི་རིགས་རྣམས་སུ་འཇུག་པར་བྱའོ།། སློབ་མ་གཞུག་པའང་དེ་བཞིན་རྡོ་རྗེ་འཁོར
26b4 ལོའི་དཀྱིལ་འཁོར་རོ། ། སྒྲུབ་པའང་དེ་བཞིན་ནོ།། མ་བསྒྲུབས་པར་ཡང་དཀྱིལ་འཁོར་ཐམས་ཅད་དུ་འཇུག་པ་ལ་ནི་རྡོ་རྗེ་འཁོར་ལོས་གཏེར་རང་གི་ཁར་བཅུག་ལ་གཞག་པར་བྱའོ།། དཀྱིལ
26b5 འཁོར་ཆེན་པོར་འཇུག་པ་ལ་ནི་རྡོ་རྗེ་འཁོར་ལོ་ཆེན་པོས་སོ། ། དེ་བཞིན་དུ་ཕྱག་རྒྱའི་དཀྱིལ་འཁོར་དུ་འཇུག་པ་ལ་ནི་དེ་བཞིན་གཤེགས་པ་ཐམས་ཅད་ཀྱི་འཁོར་ལོའི་ཕྱག་རྒྱས་སོ།། དེ་བཞིན་དུ
26b6 དམ་ཚིག་གི་དཀྱིལ་འཁོར་དུ་འཇུག་པ་ལ་ནི་དམ་ཚིག་ཆེན་པོའི་འཁོར་ལོས་སོ། ། ལས་ཀྱི་དཀྱིལ་འཁོར་དུ་འཇུག་པ་ལ་ནི་རྡོ་རྗེ་ཐམས་ཅད་ཀྱི་འཁོར་ལོས་སོ།། དེ་བཞིན་དུ་རྗེས་སུ་ཆགས
26b7 པར་བྱ་བ་དང་། དབང་དུ་བྱ་བ་དང་། དོན་ཐོབ་པ་དང་། རྒྱས་གདབ་པ་དང་། བཅད་པ་དང་། འཇུག་པ་དང་། མཆོད་པ་དང་། གདུག་པ་འདུལ་བའི་ལས་རྣམས་ལ་ནི་སེམས་དཔའ་ཆེན་པོ
iiif viewer powered by OpenSeadragon
