| e-texts navigator |
| Wylie |
23a1 དོན་ཡོད་པར་འཐོབ་པར་འགྱུར་རོ། ། ཕྱག་རྒྱ་ཐམས་ཅད་ཀྱི་ཡེ་ཤེས་ཀྱི་དབང་ཕྱུག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མྱུར་བར་མངོན་པར་རྫོགས་པར
23a2 འཚང་རྒྱ་བར་འགྱུར་རོ། ། དེར་ཞུགས་ནས་ཕྱག་རྒྱ་བཅིང་བ་བཅོམ་ལྡན་འདས་ལ་བསླབ་པར་བྱ་ཞིང་རྡོ་རྗེ་མིང་གི་དབང་བསྐུར་བས་བསྐུར་ལ་འདི་སྐད་བརྗོད་པར་བྱའོ།། སྐུ་གསུང་ཐུགས་ཀྱི་རྡོ་རྗེ
23a3 ཡི། གཟུགས་བརྙན་ལྟ་བུར་སྦྱོར་བ་ཡིས།། ཕྱག་རྒྱ་ཀུན་ཞེས་བྱ་བར་བསྒྲགས།། དམ་ཚིག་དངོས་གྲུབ་ཀུན་སྟེར་བའོ།། སློབ་མ་གཞུག་པའང་དེ་བཞིན་ནོ།། ཕྱག་རྒྱ་ཐམས་ཅད་ཀྱི
23a4 དཀྱིལ་འཁོར་རོ། ། སྒྲུབ་པ་དང་དངོས་གྲུབ་རྣམས་ཀྱང་དེ་བཞིན་ནོ།། དེ་ནས་མ་བསྒྲུབས་པའི་ལས་རྣམས་ཀྱང་དེ་བཞིན་ནོ།། ཕྱག་རྒྱ་ཐམས་ཅད་བཅིང་བ་སྒྲུབ་པ་ལ་ནི་སྙིང་ཁར་རྡོ་རྗེའི་ཁུ་ཚུར
23a5 གྱིས་སོ། ། ཕྱག་རྒྱ་ཐམས་ཅད་སྒྲུབ་པ་ལ་ནི་རྡོ་རྗེ་ཆེན་པོའི་ཁུ་ཚུར་གྱིས་སོ།། དམ་ཚིག་ཐམས་ཅད་སྒྲུབ་པ་ལ་ནི་རྡོ་རྗེ་འདོད་པའི་ཁུ་ཚུར་གྱིས་སོ།། སེམས་ཅན་རྗེས་སུ་ཆགས་པར་བྱ་བ་ལ་ནི
23a6 ཆགས་པ་ཆེན་པོའི་ཁུ་ཚུར་གྱིས་སོ། ། ཐམས་ཅད་དབང་དུ་བྱ་བ་ལ་ནི་རྡོ་རྗེ་བཞད་པའི་ཁུ་ཚུར་གྱིས་སོ།། ཐམས་ཅད་བཅིང་བ་ལ་ནི་རྡོ་རྗེ་བསྡམས་པའི་ཁུ་ཚུར་གྱིས་སོ།། ཐམས་ཅད་བསྡམ
23a7 པར་བྱ་བ་ལ་ནི་རྡོ་རྗེ་ལུ་གུ་རྒྱུད་ཀྱི་ཁུ་ཚུར་གྱིས་སོ། ། ཐམས་ཅད་ལྐུགས་པར་བྱ་བ་ལ་ནི་རྡོ་རྗེ་ཞལ་ཞལ་གྱི་ཁུ་ཚུར་གྱིས་སོ།། ཐམས་ཅད་བཙིར་བ་ལ་ནི་རྡོ་རྗེ་བསྡམ་པའི་ཁུ་ཚུར་གྱིས་སོ།། ཐམས
iiif viewer powered by OpenSeadragon
