| e-texts navigator |
| Wylie |
170a1 ལངས་པའམ་ནི་འདུག་པ་འམ། ། གང་དང་དེ་རུ་འཆག་པ་འམ།། དགོད་པ་དང་ནི་སྨྲ་བ་འམ།། གང་དེར་ཅི་བཞིན་དེ་བཞིན་ནོ།། དབང་པོ་གང་དང་གང་ལམ་འགྱུར།
170a2 དེ་དང་དེ་ཡི་ངོ་བོར་བྱ།། མཉམ་པར་བཞག་ནས་རྣལ་འབྱོར་གྱིས།། རང་གི་ལྷག་པའི་ལྷ་སྦྱོར་བྱ།། དེ་ཉི་རྣལ་འབྱོར་འདི་ཡིས་ནི།། ཐམས་ཅད་ཉིད་ནི་བསྒྲུབ་པར་བྱ།། སངས་རྒྱས་ཀུན
170a3 དངོས་ཐམས་ཅད་ནི། ། རྟག་ཏུ་མཐོང་ཞིང་གྲུབ་པར་འགྱུར།། དམ་ཚིག་ཆེན་པོ་དེ་ཉིད་ནི།། མཁས་པ་གང་ཞིག་དད་པས་ཀློག། དེ་ནི་སྡིག་ཀུན་དང་བྲལ་བས།། དངོས་གྲུབ་ཀུན
170a4 གྱིས་དབང་ཕྱུག་འགྱུར། ། ཞེས་བྱ་བ་དམ་ཚིག་ཆེན་པོའི་དེ་ཁོ་ན་ཉིད་དོ།། དེ་ལྟར་དཔལ་མཆོག་དང་པོའི་ཆོ་ག་མ་ཉམས་མཆོག་གི་བླ་མ་གསལ།། མཆོག་ཏུ་གསང་བ་སྒྲུབ་པའི་ཆོ་ག
170a5 བདེ་མཆོག་མྱུར་དུ་གྲུབ་ཕྱིར་གསོལ། ། རྡོ་རྗེ་མཆོག་འཛིན་དང་བཅས་བདེ་གཤེགས་སྲས་བཅས་རྣམས་ཀྱིས་བྱིན་བརླབས་པ།། བདེ་ཆེན་དམ་པ་རྡོ་རྗེ་འཛིན་པ་དགའ་ཆེན་མཆོག་གིས་དེ
170a6 གསུངས་སོ། ། དཔལ་མཆོག་དང་པོ་ལས་མཆོག་ཏུ་གསང་བའི་ཆོ་ག། དེ་ནས་སྟོན་པ་རྡོ་རྗེ་འཛིན།། མཁའ་ལྷར་ཐུག་མེད་ཀུན་ཏུ་འགྲོ།། སངས་རྒྱས་ཀུན་གྱིས་བསྟོད་ནས་ནི།
170a7 རྟོག་པའི་མཐར་ཐུག་དོན་གསུངས་སོ།། བདག་གི་སྙིང་པོ་དང་འདི་མཆོག་ཆེན་པོའོ།། བདེ་ཆེན་མཆོག་གི་མཆོག་དང་རྗེས་སུ་ཆགས་པ་ཆེ།། ཀུན་མཆོག་སེམས་དཔའ་རྣམས་ཀྱི
iiif viewer powered by OpenSeadragon
