| e-texts navigator |
| Wylie |
168a1 ཞེ་ན། སྲིད་པ་ཤིན་ཏུ་གྲུབ་པ་ཡི།། དབང་ཕྱུག་ཆེན་པོ་མཆོག་གྲུབ་ཕྱིར།། གཟི་ཅན་སེམས་ཅན་དོན་མཛད་ཕྱིར།། བསྐལ་པ་ཐོག་མར་བཅོམ་ལྡན་འདས་ཀྱིས
168a2 གསུངས། ། དེ་ནས་དེ་གང་ཡིན་ཞེ་ན། འདོད་ཆགས་ཆེན་པོ་བཅོམ་ལྡན་འདས།། རབ་ཏུ་དགའ་བ་མི་འགྱུར་མཆོག། གསང་བའི་ཕྱིར་ནི་སྙིང་པོ་བརྗོད།། ཡི་གེ་ཧཱུཾ་ནི་མི་འགྱུར་མཆོག། དེ་ནས
168a3 ཉེ་བའི་སྙིང་པོ་ཡི། ། དེ་ཁོ་ན་ཉིད་ཤེས་པ་ནི།། དེ་ཉིད་གསང་ཞིང་གསང་བ་དང་།། སྙིང་པོ་རབ་ཏུ་བརྗོད་པར་བྱ།། སྙིང་པོའི་རྗེས་སུ་སྒྲུབ་པར་འགྲུབ།། ཉེ་བའི་སྙིང་པོ་ཉིད་དུ་བརྗོད།།
168a4 དེ་ལ་ཇི་ལྟར་བདེ་བ་ཆེན་པོའི་རྡོ་རྗེ་དོན་ཡོད་པའི་དམ་ཚིག་གི་བཤད་པའི་རྒྱུད་ཡིན་ཞེ་ན། དངོས་གྲུབ་ཀུན་གྱི་མི་འགྱུར་བདེ།། བདེ་བ་ཆེན་པོ་ཞེས་བརྗོད་དོ།། རྡོ་རྗེ་དེ་ཉིད་དོན་ཡོད་གྲུབ
168a5 དམ་ཚིག་འདའ་བར་དཀའ་བའོ། ། ཞེས་བྱ་བའི་མཆོག་གི་དམ་པའི་གླུ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། དེ་ལ་ཇི་ལྟར་དཀྱིལ་འཁོར་གྱི་དོན་ཤེས་པ་ཡིན་ཞེ་ན། ཇི
168a6 ལྷུར་གནས་དང་འཁོར་ལོ་དང་། ། ཇི་ལྟར་དགོད་པར་འགྲོ་བ་དང་།། འཁོར་དང་བཅས་པ་དགོད་པ་གང་།། དེ་འདྲའི་འཁོར་ལོ་མཆོག་གིས་སྤྲུལ།། དེ་ནས་རྣམ་པར་ཤེས་པ་ནི།།
168a7 རྡོ་རྗེ་སེམས་སོགས་ལྷ་རྣམས་ཀྱིས།། འཁོར་ལོ་མངོན་སུམ་མཐོང་བ་ཡིས།། རྟག་པའི་བསོད་ནམས་ཅི་འདྲ་བ།། ཕྱིར་ན་བྲིས་ནའང་དེ་བཞིན་ནོ།། དེ་ནས་ཐིག་གདབ་པའི་ཆོ་ག་ནི
iiif viewer powered by OpenSeadragon
