| e-texts navigator |
| Wylie |
167b1 བཅོམ་ལྡན་འདས་ཕྱག་ན་རྡོ་རྗེ་ཡིན་ཞེ་ན། མི་ཕྱེད་སོ་སོར་རྟོགས་པ་དང་།། གདུག་པ་ཐམས་ཅད་ངེས་པར་གནོན།། སངས་རྒྱས་ཀུན་དངོས་རྡོ་རྗེ་སྟེ།། བྱང་ཆུབ་སེམས་ནི་བརྟན་པ་བདག།
167b2 ཀུན་ཏུ་བཟང་པོའི་ལག་ཏུ་ནི།། མཚོན་ཆ་དེ་ནི་རྒྱལ་བས་བྱིན།། བརྟན་པ་ཐམས་ཅད་གྲུབ་པའི་ཕྱིར།། དེས་ན་ཕྱག་ན་རྡོ་རྗེ་དེས།། དེ་ལ་ཇི་ལྟར་དང་པོའི་རིགས་ལས་བྱུང་བ་ཤེས་པ་རྒྱུད
167b3 ཡིན་ཞེ་ན། ཤེས་རབ་ཕ་རོལ་ཕྱིན་པ་ཡུམ།། ཡབ་ནི་ཐབས་ལ་མཁས་པ་སྟེ།། རྡོ་རྗེ་སེམས་དཔའ་གདུལ་བྱའི་ཕྱིར།། རིགས་རྣམས་རབ་ཏུ་བྱུང་བའོ།། དེ་ལ་ཇི་ལྟར་བཅོམ་ལྡན
167b4 འདས་འདོད་པ་ཐར་པ་ཡིན་ཞེ་ན། བཅོམ་ལྡན་འདས་ནི་ཆགས་པ་ཆེ།། དངོས་གྲུབ་ཐམས་ཅད་རྗེས་ཆགས་ཕྱིར།། དངོས་གྲུབ་ཐམས་ཅད་མི་འགྱུར་བདེ།། བདེ་བ་ཆེན་པོ་ཞེས་བརྗོད་པའོ།།
167b5 དེ་ལ་ཇི་ལྟར་བཅོམ་ལྡན་འདས་རྣམ་པ་གསུམ་པ་ཡིན་ཞེ་ན། བདག་ནི་དུས་གསུམ་མཐའ་ཡས་ཕྱིར།། ང་ནི་སྲིད་གསུམ་གདུལ་བྱའི་ཕྱིར།། གསུམ་མཆོག་འཇིག་རྟེན་གསུམ་ཀུན་ཕྱིར།།
167b6 འཇིག་རྟེན་གསུམ་ང་ཁམས་གསུམ་ང་།། དེ་ལ་ཇི་ལྟར་བཅོམ་ལྡན་འདས་ཐམས་ཅད་ཉིད་ཡིན་ཞེ་ན། ང་ནི་བརྟན་པ་ཐམས་ཅད་བདེ།། བསོད་ནམས་ཀུན་མཆོག་ཆེ་བའི་ཕྱིར།། གཡོ་བ་སེམས
167b7 ཀྱིས་འདུས་བྱས་ཕྱིར། ། སྒྱུ་མ་ཐམས་ཅད་ང་ཡིན་ནོ།། ཞེས་བྱ་བ་རང་གི་ལས་ཀྱི་བྱ་བའི་དེ་ཁོ་ན་ཉིད་རྡོ་རྗེ་སེམས་དཔས་གསུངས་སོ།། དེ་ལ་ཇི་ལྟར་དང་པོའི་གླུ་བྱུང་བ་ཤེས་པ་ཡིན།
iiif viewer powered by OpenSeadragon
