| e-texts navigator |
| Wylie |
165b1 གྲུབ་དབང་ཕྱུག་རབ་གྲུབ་ཕྱིར། ། རྟོག་པ་ཐམས་ཅད་ཀུན་བསྡུས་པའི།། དེ་ཉིད་སེམས་དཔའ་ཆེན་པོས་གསུངས།། རྣམ་རྟོག་མེད་པའི་ཆོས་རྣམས་ལ།། རྟོག་པའི་དོན་འདི་གང་བརྗོད་པ།
165b2 གང་གིས་རྒྱུད་འདི་ཕྱི་མ་ལ།། དང་པོའི་གནས་མཆོག་ཇི་ལྟར་ལགས།། དེ་བཞིན་རྡོ་རྗེ་སེམས་དཔའ་ཉིད།། རབ་དགའ་ཉིད་དང་བཟང་བ་ཉིད།། རྡོ་རྗེ་བསྙེམས་བདག་ཇི་ལྟར་ལགས།
165b3 སེམས་དཔའ་སེམས་དཔའི་ཏིང་ངེ་འཛིན།། དེ་བཞིན་རྡོ་རྗེ་རྡོ་རྗེ་འཛིན།། རྡོ་རྗེ་འཆང་ཆེན་ཉིད་དང་ནི།། བྱང་ཆུབ་སྤྱོད་པ་ཇི་ལྟར་ལགས།། བདུད་དང་བདུད་ལས་རྒྱལ་བ་ཉིད།། བྱང་ཆུབ
165b4 སངས་རྒྱས་ཇི་ལྟར་ལགས། ། རྡོ་རྗེ་གཏུམ་མོ་མཐར་བྱེད་ཉིད།། ཕྱག་ན་རྡོ་རྗེ་ཇི་ལྟར་ལགས།། ཇི་ལྟར་དང་པོའི་རིགས་བྱུང་དང་།། འདོད་པ་ཐར་པ་ཇི་ལྟར་ལགས།། ཇི་ལྟར་མགོན་པོ
165b5 རྣམ་གསུམ་དང་། ། ཁྱོད་ནི་ཇི་ལྟར་ཐམས་ཅད་ཉིད།། དང་པོའི་སྙིང་པོ་ཇི་ལྟར་ལགས།། དེ་ཅི་ཉེ་སྙིང་ཇི་ལྟར་ལགས།། བདེ་ཆེན་རྡོ་རྗེ་ཆེན་པོ་ཡི།། དོན་ཡོད་དམ་ཚིག་ཇི་ལྟར་ལགས།།
165b6 དཀྱིལ་འཁོར་ཞེས་བྱ་ཇི་སྐད་གསུངས།། དེ་ཡི་རྣམ་སྨིན་ཇི་ལྟ་བུ།། ཐིག་གདབ་པ་དང་བརྟག་པ་ཡིས།། དངོས་གྲུབ་ཇི་ལྟར་གསུངས་པ་ལགས།། གསང་བ་ལྔ་ཡི་དེ་བདེ་བ།། ཇི་ལྟར
165b7 ཟུར་པ་ཇི་ལྟ་བུ། ། དཀྱིལ་འཁོར་བདག་པོ་རྣམས་དང་ནི།། རིགས་རྣམས་གསལ་བ་ཇི་ལྟར་ལགས།། ཐམས་ཅད་དབང་བསྐུར་དེ་ཉིད་དང་།། ཕྱག་མཚན་ཚོགས་ཀྱི་དེ་ཉིད་དང་།། ཐམས།
iiif viewer powered by OpenSeadragon
