| e-texts navigator |
| Wylie |
164b1 ཐལ་མོས་སྤྱི་བོར་བཟུང་ནས་ནི།། ལས་ཀྱི་ཕྱག་རྒྱ་གྲུབ་པས་ན།། དབང་པོ་རྣམས་དང་སྦྱར་བར་བྱ།། ཞེས་བྱ་བ་རྡོ་རྗེ་ཐམས་ཅད་ཀྱི་མཆོད་པ་ཆེན་པོའི་ལྷ་མོ་རྣམས་ཀྱི་ཕྱག་རྒྱའོ།། རྡོ་རྗེ
164b2 བསྙེམས་མས་གར་བྱ་ཞིང་། ། སྒེག་བཅས་མཐེའུ་ཆུང་སོགས་བཀྲོལ་བས།། དེ་ཉིད་བཅིངས་ནས་གར་བྱ་ཞིང་།། ཕྱི་མ་འདི་ནི་འབྱུང་བ་ཡིན།། ཞེས་བྱ་བ་རྡོ་རྗེ་ཐམས་ཅད་ཀྱི་ལས
164b3 དོན་ཡོད་པའི་དམ་ཚིག་གྲུབ་པའི་དབང་ཕྱུག་ཆེན་པོའི་མཆོག་གི་ཕྱག་རྒྱ་བརྒྱའོ། ། རྡོ་རྗེ་ཐལ་མོ་མཉམ་བཞག་ནས།། ཐམས་ཅད་ཀྱིས་ནི་བསྒྲུབ་པར་བྱ།། མཆོག་དང་པོ་ཡི་ལས་ཆེན་པོའི
164b4 ཕྱག་རྒྱ་མཆོག་ནི་གཞན་ཡིན་ནོ། ། ཞེས་བྱ་བ་རྒྱལ་མོ་ཐམས་ཅད་ཀྱི་ཕྱག་རྒྱ། མངའ་ལྔ་བསྡུས་པ་བཅིངས་ནས་ནི།། ལས་ཀྱི་ཕྱག་རྒྱ་བདེ་བ་བརྒྱ།། རབ་ཏུ་དགའ་མཆོག་མ་བཀྲོལ་བས།
164b5 བདེ་བ་ཉིད་དུ་མངོན་པར་སྦྱར།། ཞེས་བྱ་བ་རྡོ་རྗེ་ཐམས་ཅད་ཀྱི་མཆོག་ཏུ་གསང་བའི་འདོད་པ་མའི་ཕྱག་རྒྱའོ།། སྐུ་གསུང་ཐུགས་ཀྱི་རྡོ་རྗེ་ཡིས།། ཇི་བཞིན་ཕྱག་རྒྱ་མཆོག་སྦྱོར་བས།
164b6 ལས་ཀྱི་ཕྱག་རྒྱ་སྣ་ཚོགས་བརྒྱ།། མཆོག་དང་པོ་ནི་རབ་ཏུ་བརྟག། ཅེས་བྱ་བ་རྡོ་རྗེ་ཐམས་ཅད་ཀྱི་སྐུ་གསུང་ཐུགས་ཀྱི་རྡོ་རྗེ་ལྷ་མོའི་ཕྱག་རྒྱའོ།། རྡོ་རྗེ་ལྷ་མོའི་ཁ་ཊྭཱཾ་ག། ལུས་ཀུན་གྱིས
164b7 ནི་གར་བྱ་ཞིང་། ། རྡོ་རྗེ་གར་མཆོག་གླུ་བླང་ཞིང་།། དང་པོའི་ཕྱག་རྒྱ་ཆེན་པོ་ཞེས་བྱ་བའོ།། ཇི་ལྟར་གོང་དུ་བརྒྱ་གསུངས་པ། རོལ་མོ་མཆོག་གི་ཕྱག་རྒྱའི་ཚོགས།། རོལ་མོ་བརྡུང་རིང
iiif viewer powered by OpenSeadragon
