| e-texts navigator |
| Wylie |
162b1 དབང་དུ་བྱས་ནས་ལས་ཐམས་ཅད་ལ་སྦྱོར་བའོ། ། རབ་ཏུ་དགའ་བའི་རྡོ་རྗེས་ཡུལ་ཐམས་ཅད་ཀྱི་མཆོག་སྒྲུབ་པའོ།། དེ་ནས་གསང་བའི་ཕྱག་རྒྱ་རབ་ཏུ་དགའ་བའི་རྡོ་རྗེ་ལས་བྱུང་བའོ།། སེམས
162b2 དཔའ་མནན་ནས་རྡོ་རྗེ་ལྷ་མོ་རོལ་དུ་གཞུག་པའོ། ། དེའང་རབ་ཏུ་དགའ་བའི་རྡོ་རྗེ་ཆེན་པོས་རྒྱས་བཏབ་པས་སོ།། རྡོ་རྗེ་དང་བཅས་པའི་རབ་ཏུ་དགའ་བའི་རྡོ་རྗེ་ལས་སོ།། དེ་བཞིན་གཤེགས
162b3 པ་ཐམས་ཅད་ཀྱི་ཆགས་པ་དང་བྲལ་བའི་འཁོར་ལོས་སོ། ། མཛུབ་མོ་དང་། དབུས་མ་དང་། སྲིན་ལག་གི་འཁོར་ལོ་བསྒྲེང་བར་བྱས་ལ་མཐེ་བོང་དང་མཐེའུ་ཆུང་མཉམ་ལ་བྲལ་བར་བྱ་སྟེ།
162b4 རབ་ཏུ་དགའ་བའི་རྡོ་རྗེ་སྒྲུབ་པ་དེ་ཁོ་ན་ཉིད་ཀྱིས་རྒྱས་བཏབ་ཅིང་སྒྲུབ་པར་འགྱུར་རོ།། བཙར་བས་འདོད་པ་ཐམས་ཅད་རབ་ཏུ་སྒྲུབ་པར་བྱེད་པའོ།། མཛུབ་མོ་ལྕགས་ཀྱུས་འདོད་པ་ཐམས
162b5 ཅད་ཀྱི་བདེ་བ་དགུག་པའོ། ། མཛུབ་མོ་ཕྲག་དོག་ལ་སོགས་པའི་འདོད་པ་ཐམས་ཅད་ཀྱི་སྡུག་བསྔལ་རབ་ཏུ་ཞི་བའོ།། རྟག་ཏུ་བསྐྱོད་པས་རབ་ཏུ་དགའ་བ་འབེབས་ཤིང་དེ་ནས་སྒྲུབ་པའོ།།
162b6 སྐྱེ་གནས་གཡོ་བས་དུད་མེད་དང་སྐྱེས་པ་དག་གིས་རབ་ཏུ་དགའ་བ་ལ་འཇིག་རྟེན་ལས་འདས་པའི་འདོད་པ་ཐམས་ཅད་ཀྱི་བདེ་བ་ཆེན་པོ་ཤིན་ཏུ་མཐའ་ཡས་པའོ།། ཁ་སྦྱོར་བཙིར་བས་ཇི་སྲིད
162b7 འཚོའི་བར་དུ་འདུས་པ་དང་བྲལ་བའང་ངོ་། ། རྟགས་ཀྱི་སེན་མོ་གཡོན་པའི་མཐིལ་དྲུད་པས་ཤིན་ཏུ་བརྟན་པའི་འདོད་པ་ལ་ཆགས་པ་ཉིད་དུ་འགྱུར་རོ།། གཞན་གྱི་འདོད་པ་ལ་མི་བལྟ་ཞིང
iiif viewer powered by OpenSeadragon
