| e-texts navigator |
| Wylie |
161a1 དང་། ཡེ་ཤེས་དང་། ལས་དང་། བདེ་བ་ཆེན་པོ་ཐམས་ཅད་ཀྱི་དངོས་གྲུབ་རྣམས་དོན་ཡོད་པར་ཐོབ་པར་འགྱུར་རོ།། དེ་ནས་གསང་བའི་དམ་ཚིག་གི་རྡོ་རྗེ་བསྡམས་པ་ལས་བྱུང
161a2 བའི་ལས་བཅུ་ནི། དབུས་མའི་ལྕགས་ཀྱུས་སོ།། ཁ་སྦྱོར་གྱིན་དུ་རྡོ་རྗེ་སོར་མོ་རྣམས་ཐམས་ཅད་ཀྱི་ལས་སོ།། མཐེ་བོང་རྡོ་རྗེའོ།། དེ་ཉིད་ཀྱིས་མཐིལ་གཉིས་སུ་དྲུད་པའོ།། མཛུབ
161a3 མོ་རྡོ་རྗེ་དེ་ཉིད་ཀྱི་ལྕགས་ཀྱུ་གཉིས་སོ། ། དབུས་མའི་རྡོ་རྗེའོ།། དེ་ཉིད་ཀྱི་སོར་མོའི་རྩེ་མོ་བཅིང་བར་བྱའོ།། སྲིན་ལག་གི་རྡོ་རྗེའོ།། དེ་ཉིད་ཀྱིས་སོར་མོའི་རྩེ་མོ་དག་གི་རོལ་མོའོ།། མཐེའུ
161a4 ཆུང་གི་རྡོ་རྗེའོ། ། དེ་ཉིད་ཀྱིས་མཐེ་བོང་གཉིས་ཀྱི་སེན་མོ་བཙིར་བའོ།། འདི་རྣམས་ཀྱིས་བཏབ་པས་རྡོ་རྗེ་སེམས་དཔའ་ལ་སོགས་པའི་དངོས་པོ་ཐམས་ཅད་སྒྲུབ་པ་དང་། རྗེས་སུ་ཆག
161a5 པ་དང་། དབང་དུ་བྱེད་པ་དང་། དགུག་པ་དང་། རོལ་པ་དང་། ཆགས་པས་བཅིང་བ་དང་། ཐམས་ཅད་སྨྲར་གཞུག་པ་དང་། གར་བྱེད་དུ་གཞུག་པ་དང་། དགོད་དུ་གཞུག་པ་དང་།
161a6 གསོད་པའོ།། དེ་ནས་ལས་ཀྱི་དམ་ཚིག་གི་ཕྱག་རྒྱ་བཅུ་ནི། རྡོ་རྗེ་གར་གྱི་མཆོད་པ་ལྷ་དང་ལྷ་མ་ཡིན་གྱི་བུ་མོ་ཐམས་ཅད་དང་། བུ་མོ་གཞོན་ནུ་མ་ཐམས་ཅད་བརྟན་པར་རྗེས་སུ་ཆགས་པ་ནི
161a7 རྡོ་རྗེ་ལྟ་བས་སོ། ། རབ་ཏུ་དགའ་བའི་སྒྲུབ་པ་ནི་མ་མཆུ་ནང་དུ་གཡོ་བར་བྱེད་པས་མྱ་ངན་དང་བཏུང་བའོ།། ཆགས་པ་བརྟན་ཞིང་ལྷུང་བ་ནི་དབུགས་རིང་པོར་གཏོང་བས་སོ།། དེ་ནས་ལས
iiif viewer powered by OpenSeadragon
